1. Bosh sahifa
2. Yangiliklar

HUQUQNI MUHOFAZA QILUVCHI ORGANLARNING MUVOFIQLASHTIRUVCHI KENGASH YIG’ILISHI BO’LIB O’TDI

×

Huquqni muhofaza qiluvchi organlarning muvofiqlashtiruvchi Kengash yig’ilishi bo’lib o’tdi

So’x tumani hokimligining majlislar zalida o’tkazilgan huquqni muhofaza qiluvchi organlarning muvofiqlashtiruvchi Kengash yig’ilishida tuman hokimi Sayidbahrom Sayidmusayev va sektor rahbarlari, barcha huquqni muhofaza qiluvchi idoralar rahbarlari, tuman ichki ishlar bo’limi xodimlari, mavjud 27 ta mahalla fuqarolar yig’inlarning raislari, hokim yordamchilari, xotin-qizlar faollari, yoshlar yetakchilari, profilaktika inspektorlari hamda jamoatchilik tashkilotlari ishtirok etishdi.

Mazkur Kengash yig’ilishida huquqni muhofaza qiluvchi organlar xodimlari tomonidan tumanda jinoyatchilik va huquqbuzarliklarga qarshi kurashish hamda ularning barvaqt oldini olish borasida 2023 yil davomida jinoyatchilik va huquqbuzarliklarning oldini olish borasida amalga oshirilgan ishlar muhokama qilindi hamda yig’ilish yakuni bo’yicha ushbu sohada kelgusida amalga oshirilishi lozim bo’lgan vazifalar yuzasidan tegishli chora-tadbirlar belgilab olindi.

Tadbirda so’z olgan tuman hokimi Sayidbahrom Sayidmusayev, tuman prokurori Sadirali Mirzokarimov, tuman prokurori o’rinbosari Olimjon Do’stovlar tumanda jinoyatchilikni jilovlash va huquqbuzarliklarni oldini olishga qaratilgan ishlarni 2024 yilda yanada kuchaytirishga doir fikrlarni izhor etdilar.

Tadbirda 2023 yil davomida mahallalarida jinoyatchilik bo’lmagan G’aznov, Sohibkor, Lenbur, Saribozorcha, Qal'a, Hushyor va Guliston mahalla fuqarolar yig’inlari raislariga qimmatbaho sovg’alar taqdim etildi.

                  So’x tumani hokimligi Axborot xizmati

Bizni ijtimoiy tarmoqlarda kuzating
Facebook | Telegram | Telegram murojaat | Youtube | Instagram