“ASKAR ONALARINI SHARAFLAYMIZ” MAVZUSIDAGI TADBIR DOIRASIDA VATAN UCHUN JON FIDO QILGAN ASKARLAR XOTIRASI SHARAFLANMOQDA
2024-01-12 15:47:11 271
“Askar onalarini sharaflaymiz” mavzusidagi tadbir doirasida Vatan uchun jon fido qilgan askarlar xotirasi sharaflanmoqda
14 yanvar - Vatan himoyachilari kuniga bag’ishlab tumanimizda turli tadbirlar tashkil etilishi rejalashtirilgan. Yurtimizda bo’lib o’tayotgan “Mahallada duv-duv” gap rukni ostidagi tadbirlarda ham ushbu mavzuga alohida e'tiibor qaratilgan.
Bugun tumanimizning Lenbur mahalla fuqarolar yig’inida “Yangi hayot uchun, yangi O’zbekiston uchun!” shiori ostida “Mahallada duv-duv gap” tadbirlari doirasida “Askar onalarini sharaflaymiz” mavzusida tadbir o’tkazildi. Tuman mudofaa ishlari bo’limi va tumandagi harbiy qismning vakillari mahalladagi Xayriddin Xolboyev xonadonida bo’lib, nomi tillarda barhayot bo’lgan yurtdoshimizning ota-onasi bilan uchrashdilar.
Mehmonlar Xayriddin Xolboyevning ota-onasiga esdalik sovg’alari va bir murtalik pul mablag’ini topshirdilar. Xayriddin Xolboyevning yorqin xotirasi uning sharafiga tashkil etilgan uy-muzeyida uning byusti va Xotira burchagida yana bir karra yodga olindi.
Tadbir oxirida Xayriddin Xolboyevning xotirasiga duo qilindi. Respublika Ma'naviyat va ma'rifat markazi So’x tuman bo’linmasi rahbari Gulshanjon Ibragimovning so’zlariga ko’ra, bunday vatanparvarlik tadbirlari tumanda muntazam o’tkaziladi.
So’x tumani hokimligi Axborot xizmati
Bizni ijtimoiy tarmoqlarda kuzating
Facebook |
Telegram |
Telegram murojaat |
Youtube |
Instagram
