1. Bosh sahifa
2. Yangiliklar

BOLAJONLAR UCHUN BAYRAM TADBIRI TASHKIL ETILIB, SOVG’ALAR ULASHILDI

×

Bolajonlar uchun bayram tadbiri tashkil etilib, sovg’alar ulashildi

Yangi yil sahnasiga kirib kelgan bayram ramzlari – Qorbobo va Qorqiz tadbir ishtirokchilari, ayniqsa, bolajonlarga o’zgacha ko’tarinkilik baxsh etdi. Qorbobo va Qorqiz kirib kelishlarigacha “Prezident archasi” tadbiri avvalida barcha ishtirokchilarni tuman hokimi Sayiddbahrom Sayidmusayev samimiy so’zlar bilan qutladi.

Tadbirda asosan tuman mahalla fuqarolar yig’inidan tashrif buyurgan kam ta'minlangan, ehtiyojmand oilalarning farzandlari ishtirok etib, bayramona dastur shukuhidan bahramand bo’ldilar va bolajonlarga bayram sahnasidan teatrlashtirilgan tomoshalar taqdim etildi. Turli o’yinchoq va yangi yil chiroqlari bilan bezatilgan bayram archasi tadbir shukuhiga o’zgacha fayz baxsh etdi.

Tadbir ishtirokchilariga tuman madaniyat markazi san'atkorlari o’z qo’shiq va asho’lalarini taqdim etishdi. Ertak qahramonlari siymosidagi turli jonivorlar ham bolajonlar kayfiyatiga kayfiyat ulashdi.

Barcha bolajonlarga tuman hokimi va tuman sektorlari rahbarlari bayram sovg’alarini taqdim etdilar. Bayram tadbiri bolajonlarning o’yin-kulgulari va ajoyib raqslari bilan yanada zavqli o’tdi.

                  So’x tumani hokimligi Axborot xizmati

Bizni ijtimoiy tarmoqlarda kuzating
Facebook | Telegram | Telegram murojaat | Youtube | Instagram