HARBIY QISMDA "YANGI HAYOT UCHUN, YANGI O’ZBEKISTON UCHUN!" SHIORI OSTIDA "MUSTAQILLIK SHUKRONASI" TADBIRI O’TKAZILDI
2023-08-19 16:26:44 153
Harbiy qismda "Yangi hayot uchun, Yangi O’zbekiston uchun!" shiori ostida "Mustaqillik shukronasi" tadbiri o’tkazildi
Bugun Farg’ona viloyati So’x tumanidagi harbiy qismda Respublika Ma'naviyat va ma'rifat markazi So’x tuman bo’linmasi, tuman Madaniyat bo’limi hamda harbiy qism bilan hamkorlikda O’zbekiston Respublikasi Davlat Mustaqilligining 32-yilligi munosabati bilan "Yangi hayot uchun, Yangi O’zbekiston uchun" shiori ostida "Mustaqillik shukronasi" adabiy-badiiy va musiqiy tadbir o’tkazildi.
Tadbirda Mustaqillikning so’nggi uch yilida barcha sohalarda izchillik bilan amalga oshirilgan islohotlar, ma'naviyat va ma'rifatning shaxs kamolotidagi o’rni, Respublika Ma'naviyat va ma'rifat markazi faollari va bir guruh ma'rifat targ’ibotchilarining O’zbekiston xalqiga qilingan murojaati, fuqarolar va ayniqsa yoshlarimiz ongida vatanparvarlik va jasorat tuyg’ularini shakllantirish kabi masalalari haqida so’z bordi.
San'atkorlarning chiqishlari tadbirga o’zgacha shukuh bag’ishladi. Harbiylarning chaqnab turgan ko’zlaridan va sho’x-shodon raqslaridan bugun o’z xizmatidan, yaratilgan sharoitlardan, buyuk kelajakka bo’lgan ishonchi, musaffo osmon ostida yashayotganidan mamnunligi yaqqol namoyon bo’layotir.
So’x tumani hokimligi Axborot xizmati
Bizni ijtimoiy tarmoqlarda kuzating
Facebook |
Telegram |
Telegram murojaat |
Youtube |
Instagram
