NURONIY SHAXMATCHILARGA QIMMATBAHO SOVG’ALAR TAQDIM ETILDI
2023-06-16 16:54:46 111
Nuroniy shaxmatchilarga qimmatbaho sovg’alar taqdim etildi
O’zbekiston Respublikasi Prezidentining 2023 yil 11 martdagi 92-sonli “Keksa avlod vakillarini har tomonlama qo’llab-quvvatlash hamda ularning ijtimoiy faolligini oshirishga doir qo’shimcha chora-tadbirlar to’g’risida”gi qarorini amalda tatbiq etish maqsadida tumanimizda arzirli ishlar amalga oshirilmoqda. Keksa avlod vakillarini har tomonlama qo’llab-quvvatlash, ularning hayotini yuqori darajaga ko’tarish va ijtimoiy faolliklarini yanada oshirish maqsadida tumanda nuroniylar ishtirokida turli tadbirlar o’tkazilmoqda.
Tuman faxriylarni qo’llab-quvvatlash “Nuroniy” jamg’armasi tuman bo’limi tashabbusi bilan tashkil etilgan shashka va shaxmat musobaqalarida tuman mahallalaridan mazkur sport turining ashaddiy muxlislari – nuroniylar ishtirok etdilar. Mazkur musobaqa g’oliblarini taqdirlash marosimi Soybozor mavzesidagi “Ma'naviyat va ma'rifat maskani” - “Otalar choyxonasi” da bo’lib o’tdi.
Taqdirlash marosimida tuman hokimi ishtirok etib, barcha ishtirokchilar va g’oliblarni tabriklab, bunday tadbirlarni muntazam tashkil etish lozimligini ta'kidlab o’tdi. Tadbir davomida eng faol shashka va shaxmatchilarga musobaqa tashkilotchilari, tuman hokimligi va O’zbekiston xalq-demokratik partiyasi tuman bo’limining esdalik va qimmatbaho sovg’alari taqdim etildi.
So’x tumani hokimligi Axborot xizmati
Bizni ijtimoiy tarmoqlarda kuzating
Facebook |
Telegram |
Telegram murojaat |
Youtube |
Instagram
