MEHNAT FAXRIYLARI VA NURONIY ONAXONLARGA EHTIROM KO’RSATILDI
2023-03-08 12:20:31 99
Mehnat faxriylari va nuroniy onaxonlarga ehtirom ko’rsatildi
8-mart - Xalqaro xotin-qizlar kuniga bag’ishlab tumanimiz hududida yashaydigan nuroniy momojonlar, hayotda va jamiyatda samarali faoliyat olib borgan, yetuk farzandlarni voyaga yetkazgan keksa onajonlar holidan xabar olinib, ularga tuman davlat soliq inspektsiyasi boshlig’i tomonidan sovg’alar taqdim etildi.
Chumoqcha mahallasida yashovchi mehnat faxriysi, shoira Naziraoy Mahmatova xonadoniga tashrif buyurgan Faridjon To’raboyev onaxonni bayram munosabati bilan tabriklab, ularga tabriknoma va davlat soliq inspektsiyasining qimmatbaho sovg’alarini taqdim etdi. Naziraoy Mahmatova ham o’z navbatida mehmonlarga o’zlarining “Buni hayot deydilar” kitobini sovg’a qildilar.
Ushb mahallada yashovchi Mukarramxon Mo’'minjonova ham ko’pni ko’rgan onaxonlardan. Mukarramxon-ayaning farzandlari bugun Vatan xizmatida kamarbasta va onaxonga ham qimmatbaho sovg’a va tabriknoma taqdim etildi.
Bunday sovg’a-salomlar tumanimizning boshqa mahallalarda istiqomat qiladigan nuroniylarga ham ulashildi. Nuroniylarga turli jamoat tashkilotlari hisobidan tashkil etilgan sovg’alar ham taqdim etildi.
So’x tumani hokimligi Axborot xizmati
Bizni ijtimoiy tarmoqlarda kuzating
Facebook |
Telegram |
Telegram murojaat |
Youtube |
Instagram
