KOMMUNIKATSIYA TARMOQLARIDAGI YUZAGA KELGAN MUAMMOLAR BARTARAF ETILMOQDA
2023-02-18 17:03:50 125
Kommunikatsiya tarmoqlaridagi yuzaga kelgan muammolar bartaraf etilmoqda
Shuni alohida ta'kidlash lozimki, tumanimiz hududidagi ichimlik suvi, elektr energiyasi, tabiiy gaz ta'minotidagi aniqlangan nosozliklar soha xodimlari tomonidan murojaat tushgandan so’ng vaqtida bartaraf etilmoqda. Bu albatta, aholiga qulaylik yaratish va har bir murojaatga e'tiborli bo’lish dalolatidir.
Tumanimizdagi Qalacha mahalla fuqarolar yig’inidagi “Qal'acha” ko’chasidagi suv liniyalari qattiq sovuq tufayli, muzlab yorilganligi xususida mahalla ahlidan murojaat tushgan. Mazkur nosozlik ayni damda “O’zsuvta'minot” MChJ So’x tumani xodimlari tomonidan bartaraf etilmoqda.
Shuningdek, Sarikanda mahalla fuqarolar yig’ini “Baliqchi” ko’chasidagi suv tarmog’ida ham nosozlik yuzaga kelgan. Belgilangan chora va vaqtida qilingan sa'y-harakat tufayli ushbu hududda ham ta'mirlash ishlari olib borilmokda.
Elektr energiyasiga bog’liq muammolar ham ayni kunda bartaraf etilayotir. Tuman elektr tarmoqlari korxonasi Tul bo’linmasi xodimlari tomonidan Sohibkor mahalla fuqarolar yig’ini “Sabohat” ko’chasidagi transformator ta'mirlandi va aholiga qulaylik yaratilib, transformatordagi yuzaga kelgan nosozlik muammosi bartaraf etildi.
So’x tumani hokimligi Axborot xizmati
Bizni ijtimoiy tarmoqlarda kuzating
Facebook |
Telegram |
Telegram murojaat |
Youtube |
Instagram
