1. Bosh sahifa
2. Yangiliklar

FARG’ONA VILOYATI HOKIMI O’RINBOSARI BOSHCHILIGIDAGI ISHCHI GURUH SO’X TUMANIDA

×

Farg’ona viloyati hokimi o’rinbosari boshchiligidagi ishchi guruh So’x tumanida

Tabiiy ofatlar, sel kelishi, qor ko’chishi va suv toshqinlarini oldini olishga qaratilgan amaliy ishlar tumanimizda fevral oyining ilk kunlaridan boshlanib, bugungi kungacha davom etmoqda. Farg’ona viloyati favqulodda vaziyatlar boshqarmasi vakillari ishtirokidagi o’rganish ishlari bugun amaliy ishlarga ulanib ketgan. Tumanning sel kelishi va suv toshqini yuzaga kelishi ehtimoli yuqori bo’lgan hududlarida keng ko’lamli qurilish va tozalash ishlari olib borilmoqda. Buning uchun barcha kuch va texnika vositalari jalb etilgan.

Farg’ona viloyati hokimining kapital qurilish, kommunikatsiyalar va kommunal xo’jalik masalalari bo’yicha o’rinbosari Hojiqo’zijon Isaqov boshchiligidagi ishchi guruh tumanimizda bo’lib, tuman hokimi va boshqa mutasaddi idoralar rahbarlari bilan hududlarga borishib, olib borilayotigan ishlarni ko’zdan kechirdilar. Tuman hokimi o’rinbosari Sodiqjon Murzoyevning ma'lumotiga ko’ra, ayni kunda tumandagi hududlarda sel yo’llarini tozalash va yangi sel yo’llari ochish ishlari olib borilmoqda.

Ishchi guruh vakillari viloyat hokimi o’rinbosari boshchiligida tumanning G’aznov, Tul, Oqtosh, Devayron, Malbut, Qaqir mahalllaridagi sel yo’llarda bo’ldilar, shuningdek mazkur mahallalardagi ichki yo’llar holati ham ko’zdan kechirildi. Texnika safarbar etilishi va yoqilg’i bilan ta'minlanganlik holati bo’yicha ma'lumot berildi. Ta'kidalnishicha, bajarilayotgan barcha ishlar bevosita maxsus texnika vsoitalari yordamida amalga oshirilyapti. Barcha texnikalar yoqilg’i mahsulotlari bilan ta'minlangan va viloyat hokimi o’rinbosari tomonidan boshlangan ishlarni jadallashtirish va ishlari sifatli bajarish bo’yicha ko’rsatmalar berildi.

Hojiqo’zijon Isaqov boshchiligidagi ishchi guruh shuningdek, tuman miqyosida olib borilayotgan qurilishlarda ham bo’lishdi. Sohibkor mahalla fuqarolar yig’inida qurilayotgan Javpaya suv nasos stantsiyasi va Tul mahallasida kapital rekonstruktsiya qilinayotgan 19-sonli umumiy o’rta ta'lim maktabidagi qurilish jarayonlari ko’zdan kechirildi.

                  So’x tumani hokimligi Axborot xizmati

Bizni ijtimoiy tarmoqlarda kuzating
Facebook | Telegram | Telegram murojaat | Youtube | Instagram