BUGUN BARCHA TUMAN HOKIMLIGI XODIMLARI UCHUN TIBBIY KO’RIK TASHKIL ETILDI
2023-02-10 18:02:13 114
Bugun barcha tuman hokimligi xodimlari uchun tibbiy ko’rik tashkil etildi
Har bir tashkilot yo muassasa xodimning ish unumdorligi va samarali faoliyat olib borishi albatta uning sog’lig’iga bog’liqdir. Buning uchun har birimiz o’z sog’lig’imizga befarq bo’lmasdan, muntazam tibbiyot sohasi xodimlari ko’rigidan o’tishimiz lozim.
Bugun So’x tumani hokimligining barcha xodimlarini tuman markaziy poliklinikasida tibbiy ko’rikdan o’tkazishdi. Bunday tibbiy profilaktik tadbirni o’tkazishdan maqsad hokimlik apparat xodimlarida kasaliklarni aniqlash, uni profilaktika qilish, xodimlar ish unumdorligini oshirish va samarali faoliyat olib borishlari uchun qulay sharoit yaratib berishdan iborat.
Hokimlik xodimlari LOR, teri-tanosil, stomatolog, ginekolog va terapevt kabi tor mutaxassislarning chuqurlashtirilgan ko’rigidan, laborator hamda rentgen tekshiruvlardan o’tdilar. Aniqlangan kasalliklar bo’yicha ma'lumot va tushuntirishlar berilib, davolanish, qay turdagi dori vositalarini iste'mol qilish yuzasidan ham tavsiyalar berildi.
Shuningdek, hozirgi vaqtda keng tarqalgan yurak-qon tomir, diabet, onkologik va o’pka kasalliklari kasalliklarining oldini olish, profilaktika qilish va davolash usullari, sog’lom turmush tarzi va faol jismoniy harakatning salomatligiga hissasi tushuntirildi. Barcha tuman hokimligi xodimlari tuman SEOM xodimlari tomonidan vaktsina bilan emlandilar.
So’x tumani hokimligi Axborot xizmati
Bizni ijtimoiy tarmoqlarda kuzating
Facebook |
Telegram |
Telegram murojaat |
Youtube |
Instagram
