1. Bosh sahifa
2. Yangiliklar

TUL VA SOHIBKORDA NAVRO'Z TANTANALARI

×

TUL VA SOHIBKORDA NAVRO'Z TANTANALARI

         Navro'z shodiyonalari tumanimiz uzra xalqimizning ko'tarinki kayfiyati bilan davom etmoqda. Bugun 1-sektor hududidagi Tul va Sohibkor mahallasi aholisi birgalikda Navro'z shodiyonalarini o'tkazishdi.

         Har ikki mahalla ahli uchun tantana o'tkaziladigan joyda bayram dasturxoni tashkil etildi. Haqiqiy saylga aylanib ketgan bayram tantanasi ayniqsa, bolajonlar qalbida chuqur iz qoldiradi. Bayram tadbirlarini sog'ingan bolajonlar o'rtasida tashkil etilgan turli sport muosbaqalari bayram fayziga o'zgachalik baxsh etdi desak, mubolag'a emas.

         San'atkorlar qo'shiqlari ostida raqsga tushayotgan bayram qatnashchilari, bolajonlarning sho'x-shodon kulgulari, yangi kelinchaklarning "Kelin salom"lari, arqon tortish, milliy kurash kabi milliy o'yinlarning tashkil etilishi Navro'z ota-bobolarimizdan qolgan umrboqiy meros ekanligini yana bir karra tasdiqladi. Chunki Navro'z birdamlik, o'zaro mehr-oqibat va mehr-muruvvat, xayrixohlik va shukronalik ramzidir.

         Navro'z tantanalari tumanimizning barcha hududlarida davom etmoqda.

                   So'x tumani hokimligi Axborot xizmati