1. Bosh sahifa
2. Yangiliklar

Yuz bilan yuzlashganlar e'zozda

×

Yuz bilan yuzlashganlar e'zozda

         “Oltin olma, duo ol” deyishadi dono xalqimiz. Darhaqiqat, duoning qudrati barcha sarvat va boyliklardan ham ustundir. Inoyatxon Jumayeva tumanimizning Istiqlol mahallasida yashaydi. 1921 yilda tug'ilgan. Inoyatxon-momo bugun o'zininng yaqinlari - farzandu nabira, abira va chevaralari ardog'ida.

         Sux tuman “Mahalla” xayriya jamoat fondi vakillari Istiqlol mahalla fuqarolar yig'ini mutasaddilari bilan Inoyatxon-momoni ziyorat etish maqsadida Jumayevlar xonadoniga tashrif buyurishdi. Yuz yoshli nuroniy momoga oziq-ovqat mahsulotlari taqdim etildi. –“Iloyim osmonimiz musaffo, yurtimiz tinch va Yurtboshimizning boshi omon bo'lsin! Mening yoshimga yetinglar”, - deya Inoyatxon-momo qo'llarini duoga ochishdi.

         Yuzlaridan nur yog'ilib turgan momoning duosini olish, bunday nuroniy onaxonlarimizni ardoqlash, ularga mehr-oqibat ko'rsatish barchamizning vazifamizdir. Zero, yoshi ulug' insonlar qut-baraka, tinchlik-totuvlik, ahil-inoqlik va rafoqat ramzidir. Bunday aziz va mo''tabar insonlarning duosi mustajobdir.

                   Sux tumani hokimligi Axborot xizmati