1. Бош сахифа
2. Янгиликлар

СТАТИСТИКА: СЎХ ТУМАНИДА ТАРИХДА ИЛК МАРОТАБА ЛОЙИҲАЛАРНИ АМАЛГА ОШИРИШ УЧУН 1 ТРИЛЛИОН 587 МИЛЛЛИАРД СЎМ МАБЛАҒ ЙЎНАЛТИРИЛАДИ

×

Статистика: Сўх туманида тарихда илк маротаба лойиҳаларни амалга ошириш учун 1 триллион 587 милллиард сўм маблағ йўналтирилади

Давлатимиз раҳбарининг 2024 йил 11-12 июл кунлари Фарғона вилоятига ҳудуд саноати ва инфратузилмасининг ривожланиши, маҳаллаларда олиб борилаётган йирик бунёдкорлик ишлари билан танишиш, янги йирик лойиҳаларга старт бериш юзасидан ташрифи давомида бизга янги имкониятлар эшигини очиб берди.

Шу билан бирга давлатимиз раҳбарининг 2024-йил 16-декабрдаги 440-сонли қарорларига асосан Сўх туманини ижтимоий-иқтисодий ривожлантириш ҳамда инвестиция ва тадбиркорлик муҳитини янада яхшилаш, ишга солинмаган имкониятлардан тўлиқ ва самарали фойдаланиш, аҳолининг муносиб турмуш даражаси ва бандлигини таъминлаш бўйича 2025 йил учун барча йўналишларда мақсадли кўрсаткичлар белгиланиб олинди.

Жумладан,

Макроиқтисодий кўрсаткичлар бўйича:

2025-йил давомида саноат маҳсулотларини ишлаб чиқариш ҳажми – 167,4 миллиард сўмга ёки 111 фоизга, хизмат кўрсатиш ҳажми – 625.3 миллиард сўмга ёки 114.6 фоизга, қишлоқ хўжалиги маҳсулотлари ҳажми – 661,9 миллиард сўмга ёки 106,2 фоизга, қурилиш ишлари ҳажми – 222,4 миллиард сўмга ёки 105,5 фоизга бажарилиши ҳамда бандликни таъминлаш дастури бўйича 13 009 минг тадан ортиқ янги иш ўринлари яратилиши режалаштирилган.

Ташкил этилган лойиҳалар бўйича:

Туманда жорий йилда жами 1 388 та (шундан макролойиҳалар 280 та,  микролойиҳалар 1 108 та, хорижий инвестиция 28 та) лойиҳаларни амалга ошириш учун жами 1 триллион 587 миллиард сўм маблағлар сарфланиши режалаштирилган ва буни ҳисобига 5 804 нафар янги иш ўринлари яратилади.

Зайлиддин Искандаров – Сўх тумани иқтисодиёт ва молия бўлими бошлиғи

Бизни ижтимоий тармоқларда кузатинг
Facebook | Telegram | Telegram murojaat | Youtube | Instagram