1. Бош сахифа
2. Янгиликлар

ЗАНГАТ МАҲАЛЛАСИДА ЯНГИ МИНИ-СТАДИОН ФОЙДАЛАНИШГА ТОПШИРИЛДИ

×

Зангат маҳалласида янги мини-стадион фойдаланишга топширилди

Ҳудудлар, айниқса, энг чекка қишлоқларни ижтимоий-иқтисодий ривожлантириш, кўкаламзорлаштириш ва ободонлаштирилишида Республикамизда катта имкониятлар яратилган. Бугун фуқароларимиз ўз овози ва ташаббуси билан Ватан ободлигига салмоқли ҳисса қўшишаётир. Бунга “Openbudget” лойиҳалари асосида амалга оширилаётган қурилиш-таъмирлаш ишлари мисол бўла олади.

Бизнинг туманимизда ҳам мазкур лойиҳа йўгла қўйилгандан сўнг кенг кўламли қурилиш-таъмирлаш ишлари олиб борилди. Бугун Зангат маҳалласида жойлашган 25-сонли умумий ўрта таълим мактабида айнан “Ташаббусли бюджет” орқали қурилган мини-стадион фойдаланишга топширилди.

Тақдимот маросимида иштирок этган туман ҳокими Сайидбаҳром Сайидмусаев барча маҳалла аҳли ва мактаб жамоасини ушбу унутилмас айём билан табриклади. Тадбир жараёнида қурилиш ишларида фаол бўлганлар, маҳалла фаоллари ва қурувчиларга ташаккурномалар ва эсдалик совғалари топширилиб, футбол мусобақаси ҳам ўтказилди.

Зангат маҳалласидаги мазкур иншоот қурилиши “Зангат маҳалла фуқаролар йиғинида жойлашган 25-сон мактабига мини сунъий стадион қуриш ва мактаб атрофини темир панжара билан ўраш” лойиҳаси асосида амалга оширилди ва қурилиш ишларига 1 миллиард сўмдан ортиқ маблағ сарфланди.

Маълумот учун: 2024 йил давомида Сўх туманида “Ташаббусли бюджет” орқали 16 та иншоот қурилди ва ушбу эзгу мақсадларга 19 миллиард 860 миллион 810 минг сўм йўналтирилди.

Сўх тумани ҳокимлиги Ахборот хизмати

Бизни ижтимоий тармоқларда кузатинг
Facebook | Telegram | Telegram murojaat | Youtube | Instagram