ҲАРБИЙ ҚИСМДАГИ ТАДБИРДА ВАТАН ҲИМОЯЧИЛАРИ УЛУҒЛАНДИ
2025-01-14 18:08:17 119
Ҳарбий қисмдаги тадбирда Ватан ҳимоячилари улуғланди
14 январь – Ўзбекистон Республикаси Қуролли Кучларининг 33 йиллиги ва Ватан ҳимоячилари кунига бағишлаб Сўх туманида жойлашган ҳарбий қисмларда ҳам байрам тадбирлари бўлиб ўтди. 9208 ҳарбий қисмда ташкил этилган байрам тадбирида туман ҳокими Сайидбаҳром Сайидмусаев, туман ҳокими ўринбосарлари, туман сектор раҳбарлари ва бошқа жамоатчилик вакиллари иштирок этишди. Тадбир аввалида Ватан мадҳияси янгради ва шундан сўнг туман ҳокими бошчилигидаги гуруҳ Хотира монументи пойига гулчанбар қўйишди.
Тадбирда туман ҳокими сўз олиб, барча ҳарбий хизматчиларни байрам билан табриклади. – Ушбу ҳарбий қисм аскар ва зобитлари зиммасига катта масъулият юклатилганлигига қарамасдан ҳарбий қисм нуфузини кўтаришда ҳарбий хизматни касб деб билган офицерлар, сержантлар ва аскарларимиз бугунги кунга келиб ўзининг ҳарбий интизоми, жанговар ва маънавий-маърифий тайёргаликдан яхши ва аъло кўрсатгичлари билан ҳарбий қисмни юксак чўққиларга эришиш учун ўз хизматларини аямай келмоқдалар, - дея таъкидлади туман ҳокими ўз сўзида.
Тадбир давомида хизмат давомида ўрнак кўрсатган бир гуруҳ аскар ва зобиталр, сержант ва офицерларга эсдалик совғалар топширилди. Ҳарбий қисмга туман ҳокимлиги томонидан қимматбаҳо совға – янги русумдаги телевизор тақдим этилди.
Сўх тумани ҳокимлиги Ахборот хизмати
Бизни ижтимоий тармоқларда кузатинг
Facebook |
Telegram |
Telegram murojaat |
Youtube |
Instagram
