ХОТИН-ҚИЗЛАР ФАОЛЛАРИ ФАОЛИЯТИ САРҲИСОБИГА ОИД ТАДБИР БЎЛИБ ЎТДИ
2024-12-25 17:03:47 183
Хотин-қизлар фаоллари фаолияти сарҳисобига оид тадбир бўлиб ўтди
Бугун туман ҳокимлиги мажлислар залида маҳаллаларда ташкил этилган хотин-қизлар фаоллари фаолияти сарҳисоби юзасидан ҳисобот йиғилиши бўлиб ўтди. Тадбирда туман ҳокими биринчи ўринбосари Илҳомжон Тожибоев, туман ҳокими ўринбосари, оила ва хотин-қизлар бўлими бошлиғи Мадинахон Сафарова, маҳаллаларда фаолият олиб бораётган хотин-қизлар фаоллари ва ҳамкор ташкилотлар вакиллари иштирок этишди.
Тадбир аввалида иштирокчиларга маҳаллаларда олиб борилаётган ишларга доир ижтимоий ролик намойиш этилди. Тадбирда тумандаги оилавий ажримлар кўрсатгичи, тазйиқ ва зўравонликка учраётган хотин-қизлар тақдири ва уларни муносиб ҳимоялаш тизими орқали амалга оширилаётган ишлар, эрта турмуш, эрта туғруқ, қариндошлар ўртасидаги никоҳ каби иллатларни олдини олишдаги қилинаётган сай-ҳаракатлар, ишсизлик, даромад камлиги сабаб юртдошларимиз хорижий давлатларга кетиши, яъни миграция оқибатида оила бирдамлигига путур етаётгани ҳақида сўзлаган мутасаддилар жамиятда пайдо бўлган турли иллатларга қарши курашда хотин-қизлар фаолининг масъулияти катта эканлигини таъкидлаб ўтдилар.
Шунингдек, тадбирда камбағал оилаларни қисқартириш, хотин-қизларни барқарор бандлик ва юқори даромад топишга ўргатиш, бизнесни қўллаб-қувватлаш, оилада соғлом турмуш тарзини шаклантириш, хотин-қизлар саломатлигини мустаҳкамлаш, оила институтини мустаҳкамлаш, маънавий-аҳлоқий қадрятларни тарғиб этиш, хотин-қизлар ўртасида жиноятчиликни жиловлаш, тазйиқ ва зўравонликка нисбатан муросасизлик муҳитини яратиш, хотин-қизлар муаммоларини ўрганиш ва “Аёллар дафтари” тизими орқали ҳал этиш, оилаларда ижтимоий-маънавий муҳит барқарорлигини таъминлаш, ижтимоий-маънавий кўмакка муҳтож хотин-қизлар билан манзилли ишлаш, аҳоли мурожаатлари билан ишлаш тизимини янги босқичга кўтаришга доир турли таклиф ва тавсиялар берилди.
Сўх тумани ҳокимлиги Ахборот хизмати
Бизни ижтимоий тармоқларда кузатинг
Facebook |
Telegram |
Telegram murojaat |
Youtube |
Instagram
