1. Бош сахифа
2. Янгиликлар

ИМКОНИЯТЛАРНИ ИШГА СОЛСАНГИЗ, САМАРАЛИ НАТИЖАГА ЭГА БЎЛАСИЗ

×

Имкониятларни ишга солсангиз, самарали натижага эга бўласиз

Маҳаллаларда ички имкониятларни ишга солиш туфайли аҳол, айниқса, аёллар ва хотин-қизлар бандлигини таъминлашга доир яхлит тизим яратилгани ушбу йўналишда фаолият олиб бораётган хотин-қизлар зиммасига катта масъулият юклайди. Бандликни таъминлаш замирида манфаатдорлик мужассамлиги ҳеч кимга сир эмас.

Туманимизда ушбу йўналишда олиб борилаётган ишлар ўзининг самараларини бераётир. Туман ҳокими ўринбосари, оила ва хотин-қизлар бўлими бошлиғи Мадинахон Сафарова бошчилигидаги ишчи гуруҳ Ғазнов маҳалласида ўрганишлар олиб боришди.

Мазкур маҳалланинг “Гулбоғ” кўчасида яшовчи фуқаро Ҳаётхон Боронбоева ўз хонадонида иссиқхона ташкил этиб, цитрус мевалар, айниқса, лимон парваришини йўлга қўйган. Шунингдек, мазкур хонадонда паррандачилик ҳам йўлга қўйилган.

Маҳалла хотин-қизлар фаоли Муқаддамхон Раҳматова сўзларига кўра, маҳалладаги хотин-қизлар бандлигини таъминлашда амалий ишлар қилинаётир. Олинаётган даромад ва манфаатдорлик хотин-қизлар ғайратига ғайрат қўшмоқда.

- Иссиқхонамизда салкам 50 тўп лимон кўчатлари бор. Беданалар парваришлаймиз, уларнинг сони ҳам 400 тага яқинлашиб қолди, бир кунда 150 донагача тухум оламиз, манфаатдорлигимиз ҳам ёмон эмас, - дейди Ҳаётхон-опа.  

Маълум бўлишича, маҳалла фуқаролар йиғини хотин-қизлар фаоли томонидан ушбу хонадонга уч нафар ишсиз хотин-қизлар бириктирилган. Мақсад аёллар ва хотин-қизларни тадбиркорликка йўналтиришдан иборат.

Сўх тумани ҳокимлиги Ахборот хизмати

Бизни ижтимоий тармоқларда кузатинг
Facebook | Telegram | Telegram murojaat | Youtube | Instagram