1. Бош сахифа
2. Янгиликлар

ТОЖИКИСТОННИНГ ЎЗБЕКИСТОНДАГИ ФАВҚУЛОДДА ВА МУХТОР ЭЛЧИСИ АБДУЖАББОР РАҲМОНЗОДА БОШЧИЛИГИДАГИ МЕҲМОНЛАР ГУРУҲИ СЎХ ТУМАНИДА!

×

Тожикистоннинг Ўзбекистондаги фавқулодда ва мухтор элчиси Абдужаббор Раҳмонзода бошчилигидаги меҳмонлар гуруҳи Сўх туманида!

Давлатимиз раҳбарининг кучли сиёсий иродаси туфайли бугун Ўзбекистон дунёга юз тутмоқда. Айниқса, қўшни давлатлар билан ўрнатилган ва тобора мустаҳкамланиб бораётган дўстлик ва ҳамкорлик ришталари халқларимиз ўртасидаги ўзаро меҳр-муҳаббатни ҳам янада мустаҳкамламоқда.

Айниқса, қўшни Тожикистон республикаси билан ўрнатилган дўстлик ва ҳамкорлик ришталари ўзининг самараларини бераётир. Сўх тумани мана шундай самимий        муносабатлар ва мустаҳкам ҳамкорликнинг меҳварига айланмоқда.

Тожикистоннинг Ўзбекистондаги фавқулодда ва мухтор элчиси Абдужаббор Раҳмонзода ва Ўзбекистон Республикаси Тожик миллий-маданий маркази раиси Гуландом Субҳонова бошчилигидаги туманимизга ташриф буюрган  ишчи гуруҳ иштирокида туманимизнинг маҳалла фуқаролар йиғинлари ва таълим муассасаларида турли маданий ва маънавий-маърифий тадбирлар бўлиб ўтмоқда. Мазкур тадбирлар мажмуи “Нажот – илмда, бахт - дўстликда” шиори остида ўтказилиб, Ўзбекистон республикаси маданият вазирлиги ҳузуридаги миллатлараро муносабатлар ва дўстлик алоқалари қумитаси, Фарғона вилояти Сўх тумани ҳокимлиги, Республика тожик миллий маданий маркази ва Ўзбекистон ёзувчилар уюшмаси ҳамкорлигида ташкил этилган.

Ташрифнинг биринчи куни меҳмонлар туман ҳокими Сайидбаҳром Сайидмусаев, туман секторлари раҳбарлари ҳамроҳлигида туманимизнинг Ҳазрати Али маҳалла фуқаролар йиғини, 10, 11 ва 29-сонли умумий ўрта таълим мактабларида бўлишди. Ташкил этилган учрашув ва давра суҳбатлари ғоятда мароқли ва самимий руҳда бўлиб ўтди. Бугун меҳмонлар иштирокидаги тадбирлар давом этади ва ушбу ташрифга доир хабарларни кун давомида Сиз – азиз мухлисларга тақдим этамиз.

Сўх тумани ҳокимлиги Ахборот хизмати

Бизни ижтимоий тармоқларда кузатинг
Facebook | Telegram | Telegram murojaat | Youtube | Instagram