1. Бош сахифа
2. Янгиликлар

СЎХ ТУМАНИДА ЖОРИЙ ЙИЛНИНГ КУЗ МАВСУМИДА 166 000 ТЎП КЎЧАТ ЭКИШ РЕЖАЛАШТИРИЛГАН. РЕЖА 83 ФОИЗГА ЕТКАЗИЛДИ!

×

Сўх туманида жорий йилнинг куз мавсумида 166 000 тўп кўчат экиш режалаштирилган. Режа 83 фоизга етказилди!

Туманимизда “яшил макон” умумимиллий лойиҳасини амалга ошириш доирасида кенг кўламли ишлар олиб борилмоқда. Давлатимиз раҳбари топшириғи асосида “яшил белбоғ”лар ташкил этиш, туман ҳудудларида, айниқса, дала четларида мевали ва манзарали дархатлар ниҳолларини экиш ишлари жадаллик билан олиб борилмоқда.

Бугун туманимизга экология, атроф-муҳитни муҳофаза қилиш ва иқлим ўзгариши вазирлиги ҳузуридаги ўрмон хўжалиги агентлигининг Фарғона вилояти бошқармаси вакиллари томонидан мевали ва манзарали, асосан арча ва анор дарахти ниҳоллари олиб келинди. Вилоятдан келган вакиллар ва туман ҳокими Сайидбаҳром Сайидмусаев иштирокида туман ҳокимлиги биноси олдида арча ниҳоллари ўтқазилди.

Олиб келинган барча ниҳоллар маҳаллаларга тарқатиб берилади. Маълумот учун: 2024 йилнинг куз мавсумида туманимизда 166 000 тўп кўчатлар ўтқазилиши режалаштирилган бўлиб, бугунги кунгача 140 000 донадан ортиқ кўчатлар ўтқазилди ва бу 83 фоиздан кўпроқ демакдир.  

Сўх тумани ҳокимлиги Ахборот хизмати

Бизни ижтимоий тармоқларда кузатинг
Facebook | Telegram | Telegram murojaat | Youtube | Instagram