1. Бош сахифа
2. Янгиликлар

БАЙРОҒИМ - ФАХРИМ!

×

БАЙРОҒИМ - ФАХРИМ!

Ўзбекистон Республикаси давлат байроғининг қабул қилинишига 33-йил тўлганлиги муносабати билан туманимизнинг барча ҳудудларида турли хил тадбирлар ташкил этилиб, ўтказилмоқда.

Янгиариқ маҳалласидаги 30-сонли боллар мусиқа ва санъат мактабида санага бағишлаб тантанали тадбир ўтказилди. Тадбирда иштирок этган туман ҳокими ўринбосари Илҳомжон Абдумажидов барча иштирокчиларни байрам муносабати билан табриклаб, мустақилликнинг рамзларидан бири бўлган давлат байроғи ҳақида гапириб, байроқ миллий давлатчилигимизда алоҳида ўрин тутиши, Давлат Байроғи халқнинг, миллатнинг фахри ва ифтихори эканлигини алоҳида таъкидлади.

Тантанали тадбирда мактаб ўқувчилари, ёшлар иштирок этишди. Тадбирда мусиқа ва санъат мактаби ҳамда Гулистон маҳалласидаги 9-сонли УЎТ мактаби ёш истеъдодлари томонидан Ватан ва унинг рамзларини ифода ва тараннум этувчи шеърлар ижро этилди.

Тадбир охирида спортнинг турли жабҳаларида ғолибликни қўлга киритиб, Ўзбекистон байроғини боши узра кўтарган ёш спортчиларга ташаккурнома ва қимматбаҳо совғалар тақдим этилди.

Сўх тумани ҳокимлиги Ахборот хизмати

Бизни ижтимоий тармоқларда кузатинг
Facebook | Telegram | Telegram murojaat | Youtube | Instagram