МУНОСАБАТ
2024-09-30 19:03:43 932
МУНОСАБАТ
Ижтимоий тармоқ саҳифалари орқали “Сўх тумани Сариканда маҳалла фуқаролар йиғини ҳудудидаги 4-сонли умумий ўрта таълим мактабида “Openbudget” лойиҳаси асосида қурилаётган мини футбол майдончасидаги аҳвол” мазмунда видеомурожаат эълон қилинди. Мазкур видеомурожаат юзасидан 4-сонли умумий ўрта таълим мактабида Сўх тумани ҳокимлиги қурилиш бўлимининг тегишли мутахасисилари томонидан тезкор равишда ўрганиш ишлари олиб борилди.
Мутахассисларнинг берган маълумотига кўра, ҳозирги кунда мазкур объектда қурилиш ишлари олиб борилаётгани ва қурилиш ишлари якунланмаганлиги боис, барпо этилаётган сунъий қопламали мини-футбол майдончаси фойдаланишга топширилмаган.
Қурилиш обеъктининг пудрат ташкилоти Сўх туман ҳоким ўринбосарига тегишли эмаслиги ҳамда “Марғилон Сарбон” МЧЖ томонидан қурилаётгани аниқланди.
Объект қурилиш ишлари лойиҳа-смета асосида олиб борилаётгани ҳамда қурилиш ишлари тегишли мутахассислар томонидан назоратга олинганлигини ва мини-футбол учун мўлжалланган спорт майдончаси тўлиқ битказилгандан сўнг ўрнатилган тартибда фойдаланишга қабул қилинишини маълум қиламиз.
Сўх тумани ҳокимлиги Ахборот хизмати
Бизни ижтимоий тармоқларда кузатинг
Facebook |
Telegram |
Telegram murojaat |
Youtube |
Instagram
