1. Бош сахифа
2. Янгиликлар

СИЗГА ТАЪЗИМ - УСТОЗ-МУАЛЛИМ!

×

Сизга таъзим - устоз-муаллим!

Сўх тумани Сариканда маҳалласидаги “Соҳил” тантаналар саройида 1 октябрь – устозлар ва мураббийлар кунига бағишлаб тантанали тадбир бўлиб ўтди. Тадбирда соҳа вакиллари, фахрий ўқитувчи ва мураббийлар, соҳанинг ёш вакиллари иштирок этишди.

Сўх тумани ҳокимлиги ҳамкорлигида ташкил этилган тадбирда меҳнат фахрийлари, туман мактабгача ва мактаб таълими бўлими тасарруфидаги умумтаълим мактаблари фаол ўқитувчилари, мактаб директорлари ва мактабгача таълим бўлими мутасаддилари ҳам қатнашди.

Тадбирда сўз олган туман ҳокими ўринсбосари Илҳомжон Абдумажидов ва барча туман секторлари раҳбарлари Республикамизда давлатимиз раҳбари раҳнамолигида халқ таълими соҳасига берилаётган эътибор, мактабгача таълим соҳасида амалга оширилаётган ислоҳотлар самараси бугун ўз натижаларини бераётгани билан ҳам аҳамиятли эканини таъкидладилар.

Тадбир давомида бир гуруҳ меҳнат фахрийлари, ММТБ фаол вакилларига туман ҳокимлиги ва ташкилотчиларнинг эсдалик ва қимматбаҳо совғалари, вилоят халқ таълими бошқармаси, туман ҳокимлиги фахрий ёрлиқлари ва қимматбаҳо мукофотлари топширилди.

Байрам тадбири ёш санъат ғунчалари ва Қўқон шаҳридан келган санъат усталарининг композицион чиқишлари билан давом этди. Саҳна узра намойиш этилган маҳорат намуналари тадбир иштирокчиларида катта таассурот қолдирди.

Сўх тумани ҳокимлиги Ахборот хизмати

Бизни ижтимоий тармоқларда кузатинг
Facebook | Telegram | Telegram murojaat | Youtube | Instagram