1. Бош сахифа
2. Янгиликлар

ЕР ЎЗ ҲОЛАТИГА КЕЛТИРИЛДИ ВА ЯНА БОҒГА АЙЛАНДИ

×

Ер ўз ҳолатига келтирилди ва яна боғга айланди

Мажбурий ижро бюросига судлардан келиб тушаётган ижро ҳужжатлари орасида мулкий харакатерга эга бўлмаган низолар бўйича берилган ижро ҳужжатлари алоҳида аҳамиятга эга.

Ўзбекистон Республикаси “Суд ҳужжатлари ва бошқа органлар ҳужжатларини ижро этиш тўғрисида”ги Қонунининг 71-моддасига кўра қарздорга муайян ҳаракатларни амалга ошириш ёки уларни амалга оширишдан ўзини тийиш мажбуриятини юкловчи ижро ҳужжати номулкий харакатердаги ижро ҳужжатидир.

Бундай ижро ҳужжатларига ўзининг мазмунига кўра ишга тиклаш, қарздорнинг кўчириш, иморатни бузиб ташлаш, ер участкасини олиб қўйиш ва ўтказиш, ундирувчини кўчириб киритиш каби ижро ҳужжатлари киради.

Фуқаролик ишлари бўйича Сўх туман судининг 08.07.2024 йилдаги ижро ҳужжатига асосан Сўх тумани “Хушёр” Н/Хга тегишли бўлган ер майдонига фуқаро С.У. ва М.У. томонидан ўзбошимчалик билан қуриб олинган қурилмани жавобгар томонидан ёки унинг ҳисобидан буздириш белгиланган.

Мазкур ижро ҳужжати юзасидан давлат ижрочиси томонидан ижро иши юритиши қўзғатилиб, олиб борилган ижро ҳаракатлари давомида ўзбошимчалик билан қурилган қурилма қарздорнинг ҳисобидан буздирилиб бўлим томонидан суднинг мазкур қарори ижроси амалда таъминланди.

Юритилган ижро иши Қонуннинг 41-моддасига асосан тамомланди.    

Шу ўринда Бюронинг Сўх туман бўлимида номулкий харакатердаги ижро ҳужжатларини ижро этиш борасида жорий йилда ижобий ишлар амалга оширилди.

Хусусан, бўлим томонидан судлардан 62 та келиб тушган булиб, шундан 34 та ижро ҳужжатлари амалда ижро этилди, 3 та ижро ҳужжатлари ундирувчи (даъворгар)нинг қарздор билан ўзаро келишиб олганлиги сабабли уларнинг ёзган аризасига асосан тамомланди, 1 та ижро ҳужжатлари судлар томонидан бекор қилинганлиги сабабли тугатилди.

Музаффаржон Нурматов - Бюронинг Сўх тумани бўлими бошлиғи

Бизни ижтимоий тармоқларда кузатинг
Facebook | Telegram | Telegram murojaat | Youtube | Instagram