1. Бош сахифа
2. Янгиликлар

САЙҲУНОБОД ТАЖРИБАСИ АСОСИДА НАВОБОД МАҲАЛЛАСИДА КЕНГ КЎЛАМЛИ ИШЛАР ОЛИБ БОРИЛАЁТИР

×

Сайҳунобод тажрибаси асосида Навобод маҳалласида кенг кўламли ишлар олиб борилаётир

Суяклари меҳнат билан қотган сўхликларнинг энг яхши кўрган соҳаси қишлоқ хўжалигидир. Айнан аграр туман ҳисоблангани боис, Сўх туманида Сайҳунобод тажрибаси асосида арзирли ишлар амалга оширилмоқда.

Ушбу йўналишда ўрнак ва намуна бўлган тадбиркорлар Навобод маҳалласида ҳам талайгина. Асли деҳқон фарзанди бўлган Зафаржон Метинов ҳам ўз хонадонида банкдан олинган 30 миллион сўм кредит эвазига иссиқхона барпо этган.

- Иссиқхонадан иккинчи маротаба ҳосил оляпман. Баҳор фасли аввалида аҳолига кўчат етиштириб бердик. Бугун бодринг ҳосилидан ҳам туманимиз аҳолиси баҳмаранд бўлишаётир. Олинган кредит пулларини тўлиқ узиб бўлдик. Энди соф фойдага ишлаяпмиз, - деди тадбиркор туман ҳокими билан суҳбат чоғида.

Тадбиркорнинг нияти иссиқхонадан учинчи маротаба ҳосил олиш. Бунинг учун яна бир-икки ҳафтадан кейин киришади.

Туман ҳокими тавсияси билан Навобод маҳалласининг “Саховат” кўчасида “Бир ҳудуд - бир маҳсулот” тамойили орқали Сайхунобод тажрибаси асосида исиқхоналар барпо этиладиган бўлди. Бу борада бутун кўча аҳолисига маълум қилинди ва барча фуқаролар ушбу тавсияни қўллаб-қувватладилар.

Банк кредити олинишида бгуннинг ўзида иссиқхона барпо этиш ниятида бўлган фуқароларга ҳоким ёрдамчиси томонидан тавсия берилди.

Сўх тумани ҳокимлиги Ахборот хизмати

Бизни ижтимоий тармоқларда кузатинг
Facebook | Telegram | Telegram murojaat | Youtube | Instagram