“ҒАМХЎРЛИК” ГУРУҲЛАРИ ФАОЛИЯТИ ЙЎЛГА ҚУЙИЛАДИ
2024-07-25 16:14:35 138
“Ғамхўрлик” гуруҳлари фаолияти йўлга қуйилади
Соғлиғида оғир даражада нуқсони бор болаларни жамиятга мослашишига мўлжалланган “Ғамхурлик” гуруҳлари ташкил этилади.
Ўзбекистон Республикаси Вазирлар Маҳкамасининг 2024 йил 25 январдаги 46-сонли қарорига асосан, алоҳида таълим эҳтиёжи бўлган оғир даражадаги соғлиғида нуқсони бор болалар учун ихтисослаштирилган таълим ташкилотларида қисқа муддлатли “Ғамхурлик” гуруҳлари фаолияти йўлга қуйилади.
“Ғамхурлик” гуруҳлари:
2024 йил 1 февралдан Тошкент шаҳридаги ихтисослаштирилган мактабгача таълим ташкилотлари, мактаб, мактаб-интернатларда;
2024 йил 1 апрелдан Тошкент вилоятидаги ихтисослаштирилган мактабгача таълим ташкилотлари, мактаб, мактаб-интернатларда;
2024 йил 1 августдан республиканинг қолган ҳудудларидаги мактабгача таълим ташкилотлари, мактаб, мактаб-интернатларда ташкил этилади.
“Ғамхурлик” гуруҳлари ихтисослаштирилган таълим муассасаларига қабул қилинмайдиган алоҳида таълим эҳтиёжлари бўлган болаларни қисқа муддатга (4 соатгача) парваришлаш, таълим-тарбия бериш ҳамда уларни жамиятга мослашишига кўмаклашиш мақсадида ташкил этилмоқда.
Ихтисослаштирилган таълим муассасаларида ташкил этилган “Ғамхурлик” гуруҳида болаларнинг таълим олиши бепул амалга оширилади.
Юсуфжон Маруфжонов - “Инсон” ижтимоий хизматлар маркази
болаларни ижтимоий ҳимоя қилиш шуъбаси бош мутахассиси
Бизни ижтимоий тармоқларда кузатинг
Facebook |
Telegram |
Telegram murojaat |
Youtube |
Instagram
