ТАЪЛИМ ДАРГОҲИ БИТИРУВЧИЛАРИГА ВА КАСБ ЭГАЛАРИГА АЙЛАНГАН ТАЛАБАЛАРГА ДИПЛОМЛАР ТАҚДИМ ЭТИЛДИ
2024-07-06 18:25:44 32
Таълим даргоҳи битирувчиларига ва касб эгаларига айланган талабаларга дипломлар тақдим этилди
Бугун Гулистон маҳалла фуқаролар йиғинидаги касб-ҳунар мактабида 2023-2024 ўқув йили битирувчиларига дипломлар топшириш маросими бўлиб ўтди. Мазкур тадбирда иштирок этган туман ҳокими Сайидбаҳром Сайидмусаев барча битирувчиларни ушбу унутилмас кун билан табриклади.
Тадбир жараёнида барча битирувчиларга диплом ва ташаккурномалар топширилди. Ўқув даргоҳини аъло ва намунавий тугатган бир гуруҳ битирувчиларга имтиёзли дипломлар тақдим этилди.
Тадбирда туман ҳокими ўринбосарлари Илҳомжон Абдумажидов ва Мадинахон Сафаровалар ҳам иштирок этишди. Таълим даргоҳини аъло баҳолар билан битирган имтиёзли дипломлар соҳибига айланган талабаларнинг ота-оналарига самимий миннатдорчилик билдирилди ва тадбир санъат усталарининг чиқишлари билан янада файзли ўтди.
Сўх тумани ҳокимлиги Ахборот хизмати
Бизни ижтимоий тармоқларда кузатинг
Facebook |
Telegram |
Telegram murojaat |
Youtube |
Instagram
