ЛЕНБУР МАҲАЛЛАСИНИНГ ЁШ ФУТБОЛЧИЛАРИ РЕСПУБЛИКАДА БИРИНЧИ!
2024-06-20 16:03:12 409
Ленбур маҳалласининг ёш футболчилари Республикада биринчи!
Футбол миллионлар ўйини. Жорий йилдан бошлаб Англия мактаб футбол ассоциацияси тажрибасидан келиб чиқиб, 8−11-синф ўқувчилари ўртасида мактаб футболи етакчисини танлаб олиш тизими жорий этилди.
Шунингдек, 12−15 ёшли ўсмирлар ўртасида икки босқичли “Маҳалла лигаси” ҳамда 16−30 ёш тоифаси ўртасида уч босқичли Давлат хавфсизлик хизмати кубоги мусобақалари ташкил этилади.
Булар маҳаллалардан бошлаб футбол инфратузилмасини ривожлантириш, иқтидорли ёшларни танлаш ва қўллаб-қувватлаш, миллий терма жамоалар учун сифатли захира шакллантиришга хизмат қилади. Худди шундай мақсадларда Ленбур маҳалласида ҳам 12-15 ёшли ёшлар ўртасида футбол тугараги ташкил қилинган бўлиб, 25 нафардан ортиқ ёшлар иштирок этиб келмоқдалар.
- Тўгарак мураббийси Латифи Абдураҳимов томонидан ҳафтада 5 кун машғулотлари ўтказиб келинмоқда. Тошкент шаҳрида ташкил қилинган болалар ва ўсмирлар ўртасидаги очиқ чемпионатида жамоамиз фахрли 1-ўринни эгаллашга муваффақ бўлишди. Жамоа мураббийи ва тўгарак аъзоларига кейинги мусобақаларда омадлар тилаб қоламиз, - дея бизга хабар йўлламоқда маҳалла ёшлар етакчиси Шоҳбоз Амиралиев.
Сўх тумани ҳокимлиги Ахборот хизмати
Бизни ижтимоий тармоқларда кузатинг
Facebook |
Telegram |
Telegram murojaat |
Youtube |
Instagram
