1. Бош сахифа
2. Янгиликлар

СЎХ ТУМАНИДАГИ БОЗОРДА НОҚОНУНИЙ ДЎКОНЛАР БУЗДИРИЛДИ

×

Сўх туманидаги бозорда ноқонуний дўконлар буздирилди

Ўзбекистон Республикаси Вазирлар Маҳкамасининг “Бозорлар ва савдо комплекслари фаолиятини тартибга солишга доир қўшимча чора-тадбирлар тўғрисида”ги Қарорига кўра, савдо мажмуалари ва бозорларда белгилангандан ташқари қўшимча савдо жойларини ташкил этиш, шунингдек контейнерлар, автомашиналардан озиқ-овқат маҳсулотларини сотиш тақиқланади.

Фуқаро Х.М.,С.М. ва И.М.лар ҳам Сўх туманидаги “Деҳқон бозори”нинг худудида ноқонуний савдо дўконларини қуриб олишиб, бир мунча вақт давомида савдо-сотиқ билан шуғулланиб келганлар. Шу сабабли, Сўх туман ҳокимлиги ушбу жойдаги ноқонуний қурилмани буздирилишини суд орқали сўраган.

Риштон туманлараро иқтисодий судининг ижро варақасида Сўх тумани “Деҳқон бозори”га кириш қисмига қурилган 16 кв.метр, 32 ер кв.метр ва 16 кв.метр майдонидаги жавобгарларга тегишли бўлган қурилмалар буздирилиши ва бўшатилган ер майдони туман ҳокимлиги ихтиёрига қайтарилиши кўрсатилган.

Бюронинг Сўх туман бўлими томонидан қарздорлар Х.М.,С.М. ва И.М. лар огоҳлантирилган бўлиб, ноқонуний қурилма ихтиёрий равишда бузилмагани сабаб, мажбурий ижро ҳаракатлари олиб борилиб, буздирилиши таъминланди.

Бозорларда савдо қилиш қоидасига амал қилиш, ҳужжатлари расмийлаштирилган жойларда савдо қилиш юқоридаги каби кўнгилсиз ҳолатларга тушишнинг олдини олади.

Музаффаржон Нурматов - МИБ Сўх тумани бўлим бошлиғи

Бизни ижтимоий тармоқларда кузатинг
Facebook | Telegram | Telegram murojaat | Youtube | Instagram