1. Бош сахифа
2. Янгиликлар

БАЙРАМГА БАҒИШЛАБ ТАДБИР ЎТКАЗИЛДИ

×

Байрамга бағишлаб тадбир ўтказилди

Қизилқиёқ маҳалла фуқаролар йиғинидаги 12494-ҳарбий қисмида 9 май- Хотира ва қадрлаш куни муносабати билан тантанали тадбир бўлиб ўтди. Туман ҳокими, туман секторлари раҳбарлари, тумандаги ҳарбий қисмларнинг аскар ва зобитлари, афғон уруши иштирокчилари, Ватан қаҳрамонларининг ота-оналари қатнашган мазкур тадбир ҳарбий қисмда ўрнатилган Хотира мажмуасига гулчанбар қўйишдан бошланди.

Байрамга бағишлаб тантанали саф-парад ҳам ўтказилди. Туман маданият ўйи вакиллари томонидан тайёрланган бадиий-адабий композицияда инсон қадри улуғланди, саҳнада иккинчи жаҳон урушининг манзаралари намойиш этилди.

Тадбир давомида туман ҳокими Сайидбаҳром Сайидмусаев барчани ушбу муборак сана билан муборакбод этди. Тадбирда бир гуруҳ аскар ва зобитлар, ватан ҳимоячилари, афғон уруши иштирокчиларига ҳамда байрамни кўтаринкилик билан ўтказишга қўшган ҳиссалари учун  8-сонли умумий ўрта таълим мактаби ўқитувчларига ташаккурномалар ва эсдалик совғалари тақдим этилди.

                  Сўх тумани ҳокимлиги Ахборот хизмати

Бизни ижтимоий тармоқларда кузатинг
Facebook | Telegram | Telegram murojaat | Youtube | Instagram