1. Бош сахифа
2. Янгиликлар

АСОСИЙ ФАН ОЛИМПИАДАСИНИНГ РЕСПУБЛИКА БОСҚИЧИ ҒОЛИБЛАРИ АНИҚЛАНДИ

×

Асосий фан олимпиадасининг республика босқичи ғолиблари аниқланди

Термиз шаҳридаги 26-умумтаълим мактабида асосий фан олимпиадасининг республика босқичи ғолибларини тантанали тақдирлаш маросими ўтказилди. Унда Мактабгача ва мактаб таълими вазирлиги, Сурхондарё вилояти Мактабгача ва мактаб таълими бошқармаси масъуллари иштирок этишди. Тадбирда олимпиаданинг ғолиб ва совриндорларига пул мукофотлари ҳамда қимматбаҳо эсдалик совғалари топширилди.

Бу йилги олимпиадада Сўх туманидан ҳам талабалар иштирок этишиб, туманимиз шарафини муносиб ҳимоя қилишди. Танлов якунига кўра, тожик тили ва адабиёти фанидан бизнинг талаба иккинчи ўринни эгаллашга муваффақ бўлди.

Туманимизнинг 28-сонли умумий ўрта таълим мактаби ўқувчиси Шодиёна     Собиржоновани ушбу муваффақият билан муборакбод этамиз. Республикада ушбу фандан биринчи ўрин самарқандлик Меҳрубон Мардоновага насиб этди.

Талабаларимизнинг мувафақияти бардавом бўлишини ва келгусида биринчи ўринни эгаллашларини тилаймиз!

                  Сўх тумани ҳокимлиги Ахборот хизмати

Бизни ижтимоий тармоқларда кузатинг
Facebook | Telegram | Telegram murojaat | Youtube | Instagram