“ҲОКИМ КУБОГИ” МУСОБАҚАЛАРИНИНГ СОВРИНДОРЛАРИ АНИҚЛАНДИ
2024-01-17 15:14:02 273
“Ҳоким кубоги” мусобақаларининг совриндорлари аниқланди
Сўх тумани ҳокими Сайидбаҳром Сайидмусаевнинг ташаббуси билан туманда жойлашган барча корхона ташкилотлар ўртасида спортнинг мини-футбол тўри бўйича ўтказилаётган мусобақанинг финал босқичи Ровон маҳалласида жойлашган 2-сонли спорт мактабида бўлиб ўтди.
Мусобақанинг якуний натижаларига кўра: 1-ўрин туман ИИБ жамоаси, 2-ўрин туман 1-сон спорт мактабининг жамоаси ва 3-ўрин туман Халқ банки жамоаларига насиб этди.
Мусобақа ғолиблари туман ҳокимлиги ва Ўзбекистон халқ-демократик партияси туман бўлими томонидан қимматбаҳо эсдалик совғалар ва ташаккурномалар билан тақдирландилар.
- Ушбу мусобақаларни айнан бизнинг маҳалламизда ўтказилиши ва ташкил этилиши бизнинг ёшларга катта мотивация берди. Чунки ёшларнинг бўш вақтларини мазмунли ўтказишда бундай спорт тадбирлари катта аҳамиятга эга, - деб бизга хабар йўлламоқда Ровон маҳалла фуқаролар йиғини раиси Неъматжон Исаков.
Сўх тумани ҳокимлиги Ахборот хизмати
Бизни ижтимоий тармоқларда кузатинг
Facebook |
Telegram |
Telegram murojaat |
Youtube |
Instagram
