ҲУДУДЛАРДА “АЁЛЛАР ДАФТАРИ”НИНГ 5-БОСҚИЧИ УЧУН ХАТЛОВ ЖАРАЁНЛАРИ БОШЛАНДИ
2024-01-10 10:17:35 383
Ҳудудларда “Аёллар дафтари”нинг 5-босқичи учун хатлов жараёнлари бошланди
Айни кунда республикамиз бўйлаб “Аёллар дафтарини” юритиш орқали хотин-қизлар муаммоларини тизимли равишда ҳал этиш ва уларни ижтимоий қўллаб-қувватлаш мақсадида хатлов жараёнлари бўлиб ўтмоқда. Мазкур тартиб Ўзбекистон Респупликаси Вазирлар Маҳкамасининг 31.03.2023 йил кунги “Хотин-қизлар муаммоларини ўрганиш ва ҳал этиш тизимини янада такомиллаштириш чора-тадбирлари тўғрисида”ги қарори билан тасдиқланган Низомга асосан амалга оширилади.
Туман ҳокимлиги мажлислар залида бўлиб ўтган Васийлик Кенгашининг тадбирида мазкур жараён ва унинг тартиб-тамойиллари юзасидан тушунтиришлар берилди. Кун тартибидаги асосий масала “Аёллар дафтарининг” 5-босқичи жараёнида фойдаланиладиган анкета-сўровномалар чоп этиш ва кўпайтириш харажатларини молиялаштиришдан иборат эди.
Шунингдек мазкур жараёнда иштирок этувчи масъул ходимларга “Аёллар дафтарининг” 5-босқичи жараёнида хаққонийлик ва шаффофликка амал қилиш борасида кўрсатма ва топшириқлар берилди. Тадбирда иштирок этган маҳаллалар хотин-қизлар фаоллари ўзларини қизиқтирган саволларига жавоблар олдилар.
Сўх тумани ҳокимлиги Ахборот хизмати
Бизни ижтимоий тармоқларда кузатинг
Facebook |
Telegram |
Telegram murojaat |
Youtube |
Instagram
