ҲУДУДЛАРДА “ЯШИЛ МАКОН” УМУМИМИЛЛИЙ ЛОЙИҲАСИ ДОИРАСИДА МЕВАЛИ ВА МАНЗАРАЛИ ДАРАХТЛАР КЎЧАТЛАРИ ЎТҚАЗИЛМОҚДА
2023-11-21 14:28:12 288
Ҳудудларда “Яшил макон” умумимиллий лойиҳаси доирасида мевали ва манзарали дарахтлар кўчатлари ўтқазилмоқда
“Дарахт экиб, боғ яратган инсонга Яратганнинг раҳмати ёғилади”, деган гап бор халқимизда. Юртимиз бўйлаб давом этаётган “Яшил макон” умумимиллий лойиҳаси бандай эзгу ва савобли амалларга турки бўлаётир.
Туманимизнинг барча ҳудудларида мазкур акция доирасида амалий ишлар қилинмоқда. Етти ёшдан етмиш ёшгача бўлган фуқароларимиз янги мевали ва манзарали дарахтлар кўчатларини экиб, янги яшил экоҳудудлар барпо этишаётир ва бу хайрли ишларга барча бирдек ҳисса қўшмоқда.
Соҳибкор маҳалла фуқаролар йиғинида ободонлаштириш ишлари ва "Яшил макон" умумимиллий лойиҳаси доирасида маҳалланинг нуронийлари ва ёшлари иштирокида янги боғлар яратилмоқда. - "Яхшидан боғ қолар",-деганларидек ота боболаримизнинг дуолари остида экилаётган дарахт кўчатлари ёшларимизда ибрат, миллий анъаналаримизга ҳурмат-иззат туйғуларини шакллантирмоқда, - дейди маҳалла раиси Ҳабибжон Олимов.
24-сонли умумий ўрта таълим мактабида туман мактабгача ва мактаб таълими бўлими мудири, маҳалла нуронийлари, ёшлар ва мактаб педгогик жамоаси биргаликда янги дарахтлар кўчатларини ўтқазишди. Ёшларга намуна сифатида нуройнилар томонидан экилган ҳар бир ниҳолга уларнинг исм-шарифлари ёзиб қўйилди.
Сўх тумани ҳокимлиги Ахборот хизмати
Бизни ижтимоий тармоқларда кузатинг
Facebook |
Telegram |
Telegram murojaat |
Youtube |
Instagram
