АҲОЛИНИ ТОЗА ИЧИМЛИК СУВИ БИЛАН ТАЪМИНЛАШ – ДОЛЗАРБ МАСАЛА
2023-08-15 19:13:58 163
Аҳолини тоза ичимлик суви билан таъминлаш – долзарб масала
Бугун аҳолини тоза ичимлик суви билан таъминлаш масаласи куннинг долзарб муаммоси саналади. Президентимизнинг 4978-сонли қарори асосида ушбу йўналишда бошланган ишлар бугун туманда давом этяпти.
Сув тармоғи тортиш ва аҳолига тоза ичимлик суви етказиб бериш ишлари “Янги авлод қурилиш инвест” МЧЖ зиммасига юклатилган. Тумандаги Обиширсой массивида барпо этилган сув тўплаш иншоотида амалга оширилган ишлар билан танишган журналистлар мазкур МЧЖ раҳбари Муроджон Аҳмедов билан суҳбатладилар.
Ўрганишлар жараёнида оби ҳаёт неъматидан баҳраманд бўлган Ҳазрати Али маҳалласининг Зармиён мавзеси аҳолиси ҳам журналистлар саволларига жавоб беришди. Бугун маҳаллада 25 куб/метрли сув иншоотидан мазкур мавзедаги аҳоли истеъмол қилишаётир.
Шунинг баробарида, меҳмонлар Сариканда маҳалла фуқаролар йиғинида жойлашган “Сўх намунаси” тикувчилик корхонасида бўлишди. Ушбу корхона “Янги авлод қурилиш инвест” МЧЖ га қарашли бўлиб, айни кунда ушбу корхонада 100 нафарга яқин хотин-қизларнинг бандлиги таъминланган.
Сўх тумани ҳокимлиги Ахборот хизмати
Бизни ижтимоий тармоқларда кузатинг
Facebook |
Telegram |
Telegram murojaat |
Youtube |
Instagram
