СЎХ ТУМАНИДА ҲАМ ДАВЛАТ ОТМЛАРИГА КИРИШ ИМТИҲОНЛАРИ БОШЛАНДИ
2023-08-01 18:26:50 198
Сўх туманида ҳам давлат ОТМларига кириш имтиҳонлари бошланди
Республикамиздаги анклав бўлган ҳудуд – Сўх тумани битирувчиларига бу йили ҳам олий таълим муассасаларига кириш имтиҳонларини топширилишида катта имконият яратиб берилди. Республика бўйича ташкил этилган 72 та тест топшириш биносининг биттаси бизнинг Сўх туманимизда жойлашган.
Бугун, эрталаб қўлларига рухсатнома олган абитуриентлар туманимиздаги “Суғдиёна” спорт мажмуаси томон йўл олдилар. Чунки тест жараёнлари айнан ушбу мажмуада бўлиб ўтади.
Тест синовлари мазкур мажмуада 2 сменада ўтказилиши режалаштирилган. 2023-2024 ўқув йили учун Сўх туманидан жами бўлиб 1 442 нафар абитуриент рўйхатдан ўтган.
Маълумот учун: имтиҳонлар туманимизда 4 кун давом этади. Ташкил этиладиган ҳар бир сменаларда 240 нафардан абитуриентлар имтиҳон топширадилар.
Барча битирувчиларимизга омад тилаймиз.
Сўх тумани ҳокимлиги Ахборот хизмати
Бизни ижтимоий тармоқларда кузатинг
Facebook |
Telegram |
Telegram murojaat |
Youtube |
Instagram
