1. Бош сахифа
2. Янгиликлар

БИЛАСИЗМИ?

×

Биласизми?

Штат қисқарганда ишда қолишда кимларга устунлик берилади?

Штат қисқариши натижасида ходимлар ишдан бўшатилганда малакаси ва меҳнат унумдорлиги юқорироқ ходимлар ишда қолдирилади. 

Янги таҳрирдаги Меҳнат кодексинининг 167-моддасига асосан малакаси ва меҳнат унумдорлиги бир хил бўлганда қуйидагиларга афзаллик берилади: 

1. қарамоғида икки ёки ундан ортиқ киши бўлган ходимларга

2. оиласида мустақил иш ҳақи олувчи бошқа ходимлар мавжуд бўлмаган шахсларга;

3. мазкур иш берувчидаги узоқ муддатли иш стажига эга бўлган ходимларга;

4. ишлаб чиқаришдан ажралмаган ҳолда олий ва ўрта махсус, профессионал таълим ташкилотларида меҳнат шартномасига кўра тегишли мутахассислик бўйича ўз малакасини ошираётган ходимларга ҳамда ишлаб чиқаришдан ажралган ҳолда олий ва ўрта махсус, профессионал таълим ташкилотларини тамомлаган шахсларга ўқишни тамомлаганидан кейин мутахассислиги бўйича ишлаш шарти билан уч йил мобайнида;

5. ушбу ташкилотда меҳнатда майиб бўлган ёки касб касаллигига учраган шахсларга;

6. ногиронлиги бўлган шахсларга;

7. 1941 — 1945-йиллардаги уруш қатнашчиларига ва имтиёзлар бўйича уларга тенглаштирилган шахсларга;

8. меҳнатдаги ютуқлари учун рағбатлантиришларга эга бўлган ва интизомий жазоларга эга бўлмаган ходимларга;

9. атом обектларидаги авариялар оқибатида келиб чиққан юқори радиациявий нурланиш билан боғлиқ бўлган нурланиш касаллигига ва бошқа касалликларга йўлиққан ёки шундай касалликларни бошидан кечирган шахсларга,

Рахмонов Искандарбек Дилшоджон ўғли - Фарғона шаҳар адлия бўлими бош маслаҳатчиси

Бизни ижтимоий тармоқларда кузатинг
Facebook | Telegram | Telegram murojaat | Youtube | Instagram