ЁНҒИНГА ҚАРШИ КУРАШ ОЙЛИГИ ТАРҒИБОТ ТАДБИРЛАРИ БИЛАН ДАВОМ ЭТМОҚДА
2023-07-20 18:56:44 131
Ёнғинга қарши кураш ойлиги тарғибот тадбирлари билан давом этмоқда
Юртимизда 10 июлдан 10 август кунига қадар ёнғин хавфсизлигини таъминлаш мақсадида “Долзарб 30 кун” тадбири ўтказилади. Туман фавқулодда вазиятлар бўлими томонидан жойларда ташкил этилаётган тадбирлар айни ушбу мақсадни ўзида мажассам этган.
Туманимиз марказий деҳқон бозорида ташкил этилган тадбирда ҳудудда жойлашган маҳаллалар мутасаддилари, бозор маъмурияти ва савдо-сотиқ билан шуғулланадиган фуқаролар иштирок этдилар.
Тадбир давомида ёнғинларнинг келиб чиқиш сабаблари ва ёнғин чиққанда ҳаракатланиш йўллари ва усуллари иштирокчиларга тушунтирилди ва ёнғинга қарши курашда ишлатиладиган асбоб-ускуналардан фойдаланиш қоидалари бўйича маълумот берилди. Ёнғинларни одини олиш ва унда ҳаракатланишга доир амалий машқлар кўрсатилди.
Ровон маҳалла фуқаролар йиғини бешлиги иштирокида ҳам савдогарлар ўртасида тарғибот ишлари олиб борилди. Асосан уларга бозор ҳудудини тоза ва озода тутиш бўйича таклиф ва тавсиялар берилди.
Сўх тумани ҳокимлиги Ахборот хизмати
Бизни ижтимоий тармоқларда кузатинг
Facebook |
Telegram |
Telegram murojaat |
Youtube |
Instagram
