НУРОНИЙ ШАХМАТЧИЛАРГА ҚИММАТБАҲО СОВҒАЛАР ТАҚДИМ ЭТИЛДИ

<<	Yanvar 2025					>>
DU	SE	CH	PA	JU	SH	YA
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31

Хозир сайтда 45 нафар фойдаланувчи Ишонч телефони статистикаси

НУРОНИЙ ШАХМАТЧИЛАРГА ҚИММАТБАҲО СОВҒАЛАР ТАҚДИМ ЭТИЛДИ

2023-06-16 16:54:46 172

PDF юклаш

Чоп этиш

Нуроний шахматчиларга қимматбаҳо совғалар тақдим этилди

Ўзбекистон Республикаси Президентининг 2023 йил 11 мартдаги 92-сонли “Кекса авлод вакилларини ҳар томонлама қўллаб-қувватлаш ҳамда уларнинг ижтимоий фаоллигини оширишга доир қўшимча чора-тадбирлар тўғрисида”ги қарорини амалда татбиқ этиш мақсадида туманимизда арзирли ишлар амалга оширилмоқда. Кекса авлод вакилларини ҳар томонлама қўллаб-қувватлаш, уларнинг ҳаётини юқори даражага кўтариш ва ижтимоий фаолликларини янада ошириш мақсадида туманда нуронийлар иштирокида турли тадбирлар ўтказилмоқда.

Туман фахрийларни қўллаб-қувватлаш “Нуроний” жамғармаси туман бўлими ташаббуси билан ташкил этилган шашка ва шахмат мусобақаларида туман маҳаллаларидан мазкур спорт турининг ашаддий мухлислари – нуронийлар иштирок этдилар. Мазкур мусобақа ғолибларини тақдирлаш маросими Сойбозор мавзесидаги “Маънавият ва маърифат маскани” - “Оталар чойхонаси” да бўлиб ўтди.

Тақдирлаш маросимида туман ҳокими иштирок этиб, барча иштирокчилар ва ғолибларни табриклаб, бундай тадбирларни мунтазам ташкил этиш лозимлигини таъкидлаб ўтди. Тадбир давомида энг фаол шашка ва шахматчиларга мусобақа ташкилотчилари, туман ҳокимлиги ва Ўзбекистон халқ-демократик партияси туман бўлимининг эсдалик ва қимматбаҳо совғалари тақдим этилди.

Сўх тумани ҳокимлиги Ахборот хизмати