1. Бош сахифа
2. Янгиликлар

САВОЛ БЕРИНГ, ЖАВОБ БЕРАМИЗ

×

Савол беринг, жавоб берамиз

Савол: Дастлабки синов муддати бўйича маълумот берсангиз

Жавоб: Янги таҳрирдаги Ўзбекистон Республикаси Меҳнат кодексининг 130-моддаси талабларига кўра, дастлабки синов муддати уч ойдан, ташкилотларнинг раҳбарлари ва уларнинг ўринбосарлари, бош бухгалтерлар ҳамда ташкилотлар алоҳида бўлинмаларининг раҳбарлари учун эса олти ойдан ошмаслиги керак.

Вақтинча меҳнатга қобилиятсизлик даври ва ходим ҳақиқатда ишда бўлмаган бошқа даврлар дастлабки синов муддатига қўшилмайди.

Шунингдек, 131-моддасига асосан дастлабки синов даврида ходимга нисбатан меҳнат тўғрисидаги қонунчиликнинг ва меҳнат ҳақидаги бошқа ҳуқуқий ҳужжатларнинг амал қилиши тўлиқ татбиқ этилади.

Дастлабки синов даври меҳнат стажига, шу жумладан ҳар йилги меҳнат таътилини олиш ҳуқуқини берадиган иш стажига ҳам киритилади.

 А.Тошпулатов - Сўх тумани адлия бўлими юридик хизмат кўрсатиш маркази бош юрисконсульти

Бизни ижтимоий тармоқларда кузатинг
Facebook | Telegram | Telegram murojaat | Youtube | Instagram