100 БИЛАН ЮЗЛАШГАН САЛОМАТХОН-МОМОГА СОВҒАЛАР ТАҚДИМ ЭТИЛДИ
2023-05-24 10:57:01 97
100 билан юзлашган Саломатхон-момога совғалар тақдим этилди
Ҳушёр маҳалла фуқаролар йиғинида яшовчи Саломатхон-момо Ашўрова юз баҳорни қаршилаган нуронийларимиздан. Момо айни дамда юзлаб невара-эвара ва чеваралар оғўшида қарилик гаштини сурмоқдалар.
- Бошимиздан ўтган кунларимизни, меҳнату-машаққатларни айтиб берсам, кунларни тунларга улашга тўғри келади... Бизнинг бошимиздан ўтган кунлар бугунги авлод учун мисли афсона-эртак. Ўткан кунлар эртаклигича қолаверсин ва илойим болаларимизнинг бугунги бахтли ҳаётига асло кўз тегмасин, осмонимиз мусаффо, бахтимиз бутун ва шундай ҳаётни яратиб бераётган раҳбарларимизнинг боши тошдан бўлсин, - дея дуога қўл очади момо.
Албатта, бундай инсонларнинг дуойи хайрига муваффақ бўлиш ҳар кимнинг бахти. Онахонни зиёрат қилган туман ҳокими Сайидбаҳром Сайидмусаев ва 3-сектор раҳбари, ички ишлар бўлими бошлиғи Қосимжон Раҳимбердиев Саломатхон-момога вилоятимизда ўтказилган “Оналарга эҳтиром” фестивалининг I-даражали дипломини эсдалик ва қимматбаҳо совғалар билан тақдим этдилар.
Сўх тумани ҳокими ўринбосари, оила ва хотин-қизлар бўлими бошлиғи Мадинахон Сафарованинг сўзларига кўра, Саломатхон-момога фестивал доирасида музлатгич ҳам ҳадя этилди. Берилаётган эътибор инсон қадри юксаклигидан нишона эмасми?
Сўх тумани ҳокимлиги Ахборот хизмати
Бизни ижтимоий тармоқларда кузатинг
Facebook |
Telegram |
Telegram murojaat |
Youtube |
Instagram
