ДЕПУТАТ ОРЗУСИ УШАЛАДИГАН БЎЛДИ
2023-05-20 16:59:29 99
Депутат орзуси ушаладиган бўлди
Республикамизда мактабгача ва мактаб таълими тизимига берилаётган эътибор ҳудудларда ҳам ушбу муассасаларга бўлган иштиёқни ҳам кучайтирмоқда. Яратилаётган шароитлар туфайли бугун туманимизда мактабгача таълим муассасаларга болалар қамровини кескин ошиб кетишига омил бўлаётир.
Охирги икки йилда туманда мактабгача таълим ташкилотларига бўлган қамров фоизи 35 дан 75 гача кўтарилди. Болалар қамровининг икки маротабага ортиши соҳада олиб борилаётган амалий ишларга ҳам боғлиқ албатта.
Бироқ, туманимизда мактабгача таълим муассасаларига бўлган эҳтиёж ҳаргиз сусайгани йўқ. Чашма маҳалла фуқаролар йиғинида мактабгача таълим муассасаси ташкил этиш ушбу ҳудуд аҳолиснинг азалий орзуси ҳисобланади. Айниқса, ушбу орзу ва ният Халқ депутатлари Сўх тумани Кенгаши Камолиддин Азизовни ҳеч тинч қўймади.
Республика Олий Мажлиси Сенатигача ушбу масалада мурожаат этган депутат орзуси ушалмоқда. Ўзбекистон Республикаси Бош вазири ўринбосари Ачилбай Раматов раислигида бўлиб ўтган фаоллар йиғилишида ушбу масалага алоҳида эътибор қаратилди ва мазкур эътибор доирасида Чашма маҳалласида 300 нафар болажонларга мўлжалланган янги давлат мактабгача таълим муассасаси қурилади.
- Халқ вакилларининг мурожаати эътиборга олинишини яхши билардим. Ўзимни бугун бахтиёр ҳис этаяпман. Чунки баркамол авлод келажагини ўйлаб қилган ҳаракатларимиз давлат раҳбари эътибори асосида ўз баракотини бермоқда. Берилган эътибор учун ўзимнинг чексиз миннатдорчилгимни билдираман, - дейди орзуси ушалган депутат Камолиддин Азизов.
Дарҳақиқат, давлатимиз раҳбари эътибори асосида Сўх туманида мисли кўрилмаган ишлар амалга оширилди. Бизлар бўлаётган барча ишларга хайриҳоҳ бўлмоғимиз ва ислоҳотлар жараёнининг бевосита иштирокчиси бўлишимиз лозим.
Сўх тумани ҳокимлиги Ахборот хизмати
Бизни ижтимоий тармоқларда кузатинг
Facebook |
Telegram |
Telegram murojaat |
Youtube |
Instagram
