1. Бош сахифа
2. Янгиликлар

ЖАВПАЯДАГИ БОҒ ҚАТОР ОРАЛАРИГА ЭКИН ЭКИШГА КИРИШИЛДИ

×

Жавпаядаги боғ қатор ораларига экин экишга киришилди

Қалъача маҳалла фуқаролар йиғини ҳудудидаги Жавпая массивида барпо этилган янги ўрикзорларда бугун иш қизғин. Биринчи кунлари экилган ўрик кўчатлари гуллаганлигини кўриб, “ҳаракат қилинса, баракатга албатта эришилади” деган нақлнинг ҳақиқийлигига ишончингиз комил бўлади.

Айни кунда мазкур ҳудуддаги ўрик қатор ораларига полиз экинларини экиш учун ҳозирлик кўрилмоқда. Бу ишга жалб қилинган техникалар ўрик қатор ораларини шудгорлашга киришган.

Фарғона вилояти ҳокими таклифи билан янги боғ қатор орларига  ошқовоқ, дуккакли экинлар, шунингдек фармацевтика, парфюмерия ва озиқ-овқат саноатида муҳим ҳисобланган заъфарон етиштириш йўлга қўйилади. Бошқача қилиб айтганда, Жавпаядан боғ олган ҳар бир фуқаро она-замин саховати ва самарасидан баҳра оладилар.

                  Сўх тумани ҳокимлиги Ахборот хизмати

Бизни ижтимоий тармоқларда кузатинг
Facebook | Telegram | Telegram murojaat | Youtube | Instagram