ҲУДУДЛАРДАН ХАБАРЛАР
2023-03-13 19:06:31 129
Ҳудудлардан хабарлар
Баҳорги юмушлар умумхалқ ҳашар кўринишида туманимизнинг 1-сектори ҳудудидаги маҳаллаларда жадаллик билан давом этмоқда. Қўйида қисқа сатрларда ушбу амаллар ҳақида Сизга маълумот берамиз.
Ленбур маҳалла фуқаролар йиғинида маҳалла ариғини тозалаш мақсадида ташкил этилган ҳашарда маҳалла фуқаролари, айниқса, ёшлар фаоллик билан иштирок этдилар;
Тул маҳалла фуқаролар йиғинида ҳам айни кунда маҳалла ҳудудидан ўтувчи ариқни тозалаш ишлари уюшқоқлик билан давом этмоқда. Маҳалла раиснинг билдиришича, маҳалла хотин-қизлари ҳам ушбу ишларда фаоллик кўрсатишмоқда – барча гузар ва кўчаларда баҳорги таом – сумалак пишириляпти;
Соҳибкор маҳалла фуқаролар йиғинидаги баҳорги юмушлар маҳалла қабристонини обод қилишдан бошланди. Мазкур ҳашарда барча маҳалла аҳли иштирок этдилар ва маҳалла ҳудудида ичимлик суви тортиш ишлари ҳам жадаллик билан давом этяпти;
Қалъача маҳалласидаги Жавпая массивида электр линиялари тортиш ишлари олиб борилмоқда. Қисқа қилиб айтганда, туманимиздаги ободонлаштириш ишларига барча бирдек ҳисса қўшяпти.
Сўх тумани ҳокимлиги Ахборот хизмати
Бизни ижтимоий тармоқларда кузатинг
Facebook |
Telegram |
Telegram murojaat |
Youtube |
Instagram
