СЎХ МАҲАЛЛА ФУҚАРОЛАР ЙИҒИНИДА ИККИ КУНЛИК ҲАШАР ТАШКИЛ ЭТИЛДИ
2023-03-13 19:03:43 82
Сўх маҳалла фуқаролар йиғинида икки кунлик ҳашар ташкил этилди
Барчамизга маълумки, 4-сектор ҳудудидаги Сўх маҳалла фуқаролар йиғинида саховатпеша ҳомийлар кўмаги ва ташаббуси билан маҳалладаги Ҳожа Абулқосим жоме масжидида реконструкция ишлари олиб борилмоқда. Мазкур муқаддас макон ҳудудини ободонлаштириш мақсадида ташкил этилган ҳашарда ҳам маҳалла аҳли уюшқоқлик билан иштирок этдилар.
Маҳалладан туман Кенгашига сайланган депутат Расулжон Мирсаидовнинг билдиришича, мазкур ҳашарда 150 нафардан ортиқ аҳоли иштирок этдилар. Қабристон ҳудудини тозалаш ишлари олиб борилиб, дарахтлар оқланди ҳамда 50 тўп манзарали дарахт экилди.
Мазкур хайрли амалларга икки дона техника ҳам жалб этилди. Ҳашарчилар томонидан тозалаш ишларидан ташқари қабристон атрофига эшиклар ўрнатилди.
Шунингдек, маҳалланинг ариғини тозалаш мақсадида ташкил этилган ҳашарда ҳам салкам 200 нафар аҳоли қатнашди. Сўх муҳалла фуқаролар йиғини ҳудудидан ўтувчи “Обиширсой” ариғининг 1,5 километр узунликдаги масофаси ҳашарчилар томонидан тозаланди.
Сўх тумани ҳокимлиги Ахборот хизмати
Бизни ижтимоий тармоқларда кузатинг
Facebook |
Telegram |
Telegram murojaat |
Youtube |
Instagram
