“МЕҲР ДАФТАРИ” ДАГИ БОЛАРЖОНЛАРГА ЭЪТИБОР КЎРСАТИЛДИ
2023-03-10 19:28:11 96
“Меҳр дафтари” даги боларжонларга эътибор кўрсатилди
Ўзбекистон Республикаси Вазирлар Маҳкамасининг “Етим болалар ва ота-она қарамоғидан маҳрум бўлган болаларни ҳар томонлама қўллаб-қувватлашга қаратилган “Меҳр дафтари” тизимини жорий этиш чора-тадбирлари тўғрисида” 2022 йил 17 январдаги 26-сонли қарорига мувофиқ “Меҳр дафтари” тизимига киритилган болаларга туман ҳокимлиги томонидан алоҳида эътибор кўрсатилмоқда. Бундай болалар муаммоси ва қизиқишларини ҳал этиш мақсадида “Йўл харитаси” ишлаб чиқилган бўлиб, ушбу “Йўл харита” си доирасида аниқ чора-тадбирлар ва амалий ишлар режаси ҳам ижрога йўналтирилган.
Бундай болаларнинг сони 1-сектор ҳудудида 5 тани ташкил этади. Сектор ҳудудида бўлган туман ҳокими Сайидбаҳром Сайидмусаев туман ҳоким ўринбосари Илҳомжон Абдумажидов, туман ҳокимлиги болаларни ҳимоя қилиш шўъбаси мудири Отабек Эгамбердиевлар билан биргаликда ушбу болажонлар истиқомат қиладиган хонадонларга бориб, маҳалла мутасаддилари иштирокида уларнинг ҳолидан хабар олдилар.
Болажонларга “Етим болалар ва ота-она қарамоғидан маҳрум бўлган болаларни ҳар томонлама қўллаб-қувватлашга қаратилган “Меҳр дафтари” жамғармасидан тикув машинкалари ҳамда нотбуклар совға қилинди. Албатта, бундай эътибордан мамнун ва масрур бўлган бу жажжи қизлар ва болалар самимий сўзлар ила миннатдорчилик билдирдилар.
Совғаларни топшириш маросимида иштирок этган маҳалла фаъоллари ҳам бундай эътибор учун миннатдорчилик сўзлари изҳор этишди. Қизлар ҳолидан ҳар доим хабардор бўлиш учун туман ҳокимлиги болаларни ҳимоя қилиш шўъбаси ва “Миллий гвардия” туман бўлими раҳбариятига керакли кўрсатмалар берилди.
Маълумот учун: туман миқёсида бундай болалар сони 8 нафарни ташкил этади. Уларнинг барчасига дастурлаш тизимини ўрганиш мақсадида ноутбуклар ва тикув машинкаси сотиб олиш учун туман ҳокимлигидан 44 миллион сўм миқдоридаги маблағ йўналтирилди.
Сўх тумани ҳокимлиги Ахборот хизмати
Бизни ижтимоий тармоқларда кузатинг
Facebook |
Telegram |
Telegram murojaat |
Youtube |
Instagram
