МЕҲНАТ ФАХРИЙЛАРИ ВА НУРОНИЙ ОНАХОНЛАРГА ЭҲТИРОМ КЎРСАТИЛДИ
2023-03-08 12:20:31 100
Меҳнат фахрийлари ва нуроний онахонларга эҳтиром кўрсатилди
8-март - Халқаро хотин-қизлар кунига бағишлаб туманимиз ҳудудида яшайдиган нуроний моможонлар, ҳаётда ва жамиятда самарали фаолият олиб борган, етук фарзандларни вояга етказган кекса онажонлар ҳолидан хабар олиниб, уларга туман давлат солиқ инспекцияси бошлиғи томонидан совғалар тақдим этилди.
Чумоқча маҳалласида яшовчи меҳнат фахрийси, шоира Назираой Маҳматова хонадонига ташриф буюрган Фариджон Тўрабоев онахонни байрам муносабати билан табриклаб, уларга табрикнома ва давлат солиқ инспекциясининг қимматбаҳо совғаларини тақдим этди. Назираой Маҳматова ҳам ўз навбатида меҳмонларга ўзларининг “Буни ҳаёт дейдилар” китобини совға қилдилар.
Ушб маҳаллада яшовчи Мукаррамхон Мўъминжонова ҳам кўпни кўрган онахонлардан. Мукаррамхон-аянинг фарзандлари бугун Ватан хизматида камарбаста ва онахонга ҳам қимматбаҳо совға ва табрикнома тақдим этилди.
Бундай совға-саломлар туманимизнинг бошқа маҳаллаларда истиқомат қиладиган нуронийларга ҳам улашилди. Нуронийларга турли жамоат ташкилотлари ҳисобидан ташкил этилган совғалар ҳам тақдим этилди.
Сўх тумани ҳокимлиги Ахборот хизмати
Бизни ижтимоий тармоқларда кузатинг
Facebook |
Telegram |
Telegram murojaat |
Youtube |
Instagram
