ЭҲТИЁЖМАНД ФУҚАРОЛАРГА БЕПУЛ ҚУЁШ ПАНЕЛЛАРИ ЎРНАТИБ БЕРИЛМОҚДА
2023-03-03 14:56:31 147
Эҳтиёжманд фуқароларга бепул қуёш панеллари ўрнатиб берилмоқда
Туманимизда Президентимизнинг 16 февраль куни қабул қилган «2023 йилда қайта тикланувчи энергия манбаларини ва энергия тежовчи технологияларни жорий этишни жадаллаштириш чора-тадбирлари тўғрисида»ги қарорига асосан кенг кўламли ишлар олиб бориляпти. Айни кунда тумандаги маҳалаллар кесимида кам таъминланган оилалар хонадонларига бепул қўёш панеллари ўрнатиш ишлари олиб бориляпти.
Бюджетнинг орттирилган маблағлари ҳисобидан қуёш панелларини ўрнатиш ишлари бевосита мутасаддилар томонидан амалга оширилмоқда. Албатта бундай эътибордан аҳоли мамнун ва миннатдор.
Туман “Маҳалла” хайрия жамоат фонди раиси Расулжон Мирсаидовнинг берган маълумотига кўра, бугун Сўх ва Обишир маҳаллаларидаги эҳтиёжманд фуқаролар ҳонадонларига ҳам қуёш панеллари ўрнатиб берилди. Сўх маҳалла фуқаролар йиғини “Обишир” кўчасида яшовчи, I-гуруҳ ногирони, "Темир дафтар” рўйхатига киритилган фукаро Иродатхон Нарзидинова ва ушбу маҳаллада яшовчи “Темир дафтар” руйхатига киритилган Умияхон Ҳомидовалар бундай эътибор учун самимий миннатдорчилик билдириб, хайрли ва савобли ишлар бардавомлиги, ҳаётимиз фаровонлиги ниятида қўлларини очиб дуолар қилдилар.
Сўх тумани ҳокимлиги Ахборот хизмати
Бизни ижтимоий тармоқларда кузатинг
Facebook |
Telegram |
Telegram murojaat |
Youtube |
Instagram
