ҲУДУДЛАРДАН ХАБАРЛАР
2023-02-25 10:18:55 75
Ҳудудлардан хабарлар
Барчамизга маълумки, февраль ойнинг биринчи кунидан бошлаб туманимизнинг тоғолди ва сел келиши хавфи юқори бўлган ҳудудларда Фарғона вилояти фавқулодда вазиятлар бошқармаси ва туманимизнинг соҳага дахлдор бўлган вакиллари иштирокида ўрганиш ишлари олиб борилди. Ўрганишлар натижасига кўра, бугун туманимизнинг Девайрон, Малбут, Соҳибкор, Офтобру маҳаллаларида сел йўлларини тозалаш ва янги сел йўллари очиш ишлари олиб борилмоқда.
Малбут ва Обишир маҳаллаларидаги мавжуд сел йўлларини тозалаш ишларида сафарбар этилган техника воситалари хизматидан кенг фойдаланилмоқда. Девайрон маҳалла фуқаролар йиғинида айни кунда янги сел йўли очиш ишлари жадаллик билан олиб борилмоқда.
Мутасадди идоралар вакиллари аҳоли ва фуқаролар билан бевосита бу бўйича учрашиб, суҳбатлар қилишмоқда ва аҳолининг фикри ҳам бу ишларда алоҳида эътиборга олиняпти. Ўтган икки уч йилда юзага келган табиий офат бугун биздан амалий ишларни бажаришга ундамоқда ва ушбу йўналишда ишлар бир маромда олиб борилиши таъминланаётир.
Сўх тумани ҳокимлиги Абхорот хизмати
Бизни ижтимоий тармоқларда кузатинг
Facebook |
Telegram |
Telegram murojaat |
Youtube |
Instagram
