1. Бош сахифа
2. Янгиликлар

ФАРҒОНА ВИЛОЯТИ ҲОКИМИ ЎРИНБОСАРИ БОШЧИЛИГИДАГИ ИШЧИ ГУРУҲ СЎХ ТУМАНИДА

×

Фарғона вилояти ҳокими ўринбосари бошчилигидаги ишчи гуруҳ Сўх туманида

Табиий офатлар, сел келиши, қор кўчиши ва сув тошқинларини олдини олишга қаратилган амалий ишлар туманимизда февраль ойининг илк кунларидан бошланиб, бугунги кунгача давом этмоқда. Фарғона вилояти фавқулодда вазиятлар бошқармаси вакиллари иштирокидаги ўрганиш ишлари бугун амалий ишларга уланиб кетган. Туманнинг сел келиши ва сув тошқини юзага келиши эҳтимоли юқори бўлган ҳудудларида кенг кўламли қурилиш ва тозалаш ишлари олиб борилмоқда. Бунинг учун барча куч ва техника воситалари жалб этилган.

Фарғона вилояти ҳокимининг капитал қурилиш, коммуникациялар ва коммунал хўжалик масалалари бўйича ўринбосари Ҳожиқўзижон Исақов бошчилигидаги ишчи гуруҳ туманимизда бўлиб, туман ҳокими ва бошқа мутасадди идоралар раҳбарлари билан ҳудудларга боришиб, олиб борилаётиган ишларни кўздан кечирдилар. Туман ҳокими ўринбосари Содиқжон Мурзоевнинг маълумотига кўра, айни кунда тумандаги ҳудудларда сел йўлларини тозалаш ва янги сел йўллари очиш ишлари олиб борилмоқда.

Ишчи гуруҳ вакиллари вилоят ҳокими ўринбосари бошчилигида туманнинг Ғазнов, Тул, Оқтош, Девайрон, Малбут, Қақир маҳаллларидаги сел йўлларда бўлдилар, шунингдек мазкур маҳаллалардаги ички йўллар ҳолати ҳам кўздан кечирилди. Техника сафарбар этилиши ва ёқилғи билан таъминланганлик ҳолати бўйича маълумот берилди. Таъкидалнишича, бажарилаётган барча ишлар бевосита махсус техника всоиталари ёрдамида амалга ошириляпти. Барча техникалар ёқилғи маҳсулотлари билан таъминланган ва вилоят ҳокими ўринбосари томонидан бошланган ишларни жадаллаштириш ва ишлари сифатли бажариш бўйича кўрсатмалар берилди.

Ҳожиқўзижон Исақов бошчилигидаги ишчи гуруҳ шунингдек, туман миқёсида олиб борилаётган қурилишларда ҳам бўлишди. Соҳибкор маҳалла фуқаролар йиғинида қурилаётган Жавпая сув насос станцияси ва Тул маҳалласида капитал реконструкция қилинаётган 19-сонли умумий ўрта таълим мактабидаги қурилиш жараёнлари кўздан кечирилди.

                  Сўх тумани ҳокимлиги Ахборот хизмати

Бизни ижтимоий тармоқларда кузатинг
Facebook | Telegram | Telegram murojaat | Youtube | Instagram