СЕКТОРНИНГ ФАОЛ ВА ЭНГ ПЕШҚАДАМ ВОЛЕЙБОЛЧИЛАРИ АНИҚЛАНДИ
2023-02-06 19:41:13 119
Секторнинг фаол ва энг пешқадам волейболчилари аниқланди
Ёшларнинг бўш вақтини мазмунли ташкил этиш ва уларни спорт мусобақаларига кенг жалб этиш мақсадида туманимиз миқёсида маҳаллалардаги ёшлар етакчилари ташаббуси билан турли спорт тадбирлари ташкил этилиб ўтказилмоқда. Ленбур маҳалла фуқаролар йиғинда бўлиб ўтган спорт тадбири ҳам туманимизнинг барча ёш волейболчиларини бирлаштирди.
Маҳалланинг 18-сонли умумий ўрта таълим мактабининг спорт мажмуасида бўлиб ўтган мусобақаларда сектор миқёсидаги маҳалаллардан ташкил топган 16 та жамоа ғолиблик учун майдонга чиқдилар. Ленбур маҳалласи ёшлар етакчиси Шоҳбоз Обидзоданинг бизга берган маълумотига кўра, мусобақаларда иштирок этган ёшларнинг барчаси ғолибликка лойиқ эди.
Мусобақалар натижасида биринчи ўрин Ленбур маҳалласининг “Холбоев” жамоасига насиб этди. Иккинчи ўринни “Соҳибкор” жамоаси, учинчи ўринни эса, “Ленбур” жамоаси эгаллади. Мусобақаларда иштирок этган энг яхши меҳмон жамоа “Демурсад” маҳалласи ёшларига ҳам тўртинчи ўрин насиб этди.
Ғолибликни қўлга киритган жамоаларга қимматбаҳо совға ва дипломлар тақдим этилди. Бундай спорт мусобақалари сектор миқёсида мунтазам ташкил этилади.
Сўх тумани ҳокимлиги Ахборот хизмати
Бизни ижтимоий тармоқларда кузатинг
Facebook |
Telegram |
Telegram murojaat |
Youtube |
Instagram
