НАВОБОД МАҲАЛЛАСИ РАИСИНИНГ КУБОГИ ЎЗ ЭГАСИГА ТОПШИРИЛДИ
![](https://soh.uz/uploads/bot/99af3beb6e0cc499e32cc.jpg)
2023-02-02 15:57:17 71
![](https://telegra.ph/file/99af3beb6e0cc499e32cc.jpg)
Навобод маҳалласи раисининг кубоги ўз эгасига топширилди
Бир ҳафтадан ортиқроқ вақт давомида ёшлар бўш вақтларини мазмунли ташкил этиш, уларнинг истеъдодини руёбга чиқариш мақсадида Сўх тумани Ровон, Навобод ҳамда Истиқлол маҳаллаларининг ёшлар етакчилари ташаббуслари билан маҳалладаги 14-30 ёшлар ўртасида Навобод маҳалласи раисининг кубоги учун Ровон маҳалласида жойлашган 2-сонли болалар ва ўсмирлар спорт мактабида спортнинг мини-футбол тури бўйича мусобақалар бўлиб ўтди. Ўн кунга яқин давом этган мусобақамизнинг бугун ҳаяжонли лаҳзалари, яъни финал босқичи ўтказилди.
Якуний натижаларга кўра, 1-ўрин "Навобод 1993" жамоасига, 2-ўрин "Истиқлол" жамоаси футболчилари ва 3-ўрин "Ҷавонони Ровон" жамоаларига насиб этди.
- Мусобақа иштирокчиларини тантали тақдирлаш маросимида Сўх туман ҳокимининг ўринбосари Илҳомжон Абдумажидов, Ёшлар ишлари агентлиги Сўх туман бўлими бошлиғи Исожон Мастонов, Ровон ва Навобод маҳалла фуқаролар йиғинлари раислари, профилактика инспекторлари ва маҳалла фаоллари иштирок этдилар. Мусобақа ғолибларига қимматбаҳо совғалар ва дипломлар тақдим этилди, - дея бизга хабар йўлламоқда Ровон маҳалла фуқаролар йиғини ёшлар етакчиси Тасвиржон Бобоев.
Сўх тумани ҳокимлиги Ахборот хизмати
![](https://telegra.ph/file/97ec05a9ea81d583da269.jpg)
![](https://telegra.ph/file/5a41452a5fa89d2ab35f6.jpg)
![](https://telegra.ph/file/7f1ce0a5cf4febf96d2ac.jpg)
Бизни ижтимоий тармоқларда кузатинг
Facebook |
Telegram |
Telegram murojaat |
Youtube |
Instagram